+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

دەپۋتات قازاقستاندىق سيفرلىق ۆاليۋتانى ەنگىزۋ تۇجىرىمداماسىن ازىرلەۋدى ۇسىندى

12 مامىر 16:08
:ءبولىسۋ
دەپۋتات قازاقستاندىق سيفرلىق ۆاليۋتانى ەنگىزۋ تۇجىرىمداماسىن ازىرلەۋدى ۇسىندى

نۇر-سۇلتان. قازاقپارات - ءماجىلىستىڭ جالپى وتىرىسىندا دەپۋتات تىلەكتەس ادامبەكوۆ قازاقستاندىق سيفرلىق ۆاليۋتانى ەنگىزۋ تۇجىرىمداماسىن ازىرلەۋدى ۇسىندى، دەپ حابارلايدى قازاقپارات ءتىلشىسى.

«كوپ ەلدەردىڭ ورتالىق بانكتەرى قارجى تەحنولوگيالارىنىڭ پەرسپەكتيۆالىق باعىتتارىنىڭ ءبىرى رەتىندە ورتالىق بانكتىڭ ۇلتتىق سيفرلىق ۆاليۋتاسىن اينالىمعا شىعارۋ جانە رەتتەۋ ماسەلەسىن بەلسەندى شەشىپ كەلەدى. مىسالى، كانادا، ۇلى بريتانيا، شۆەتسيا، قىتاي، يزرايل ورتالىق بانكتەرى سيفرلىق ۆاليۋتالارىن قۇرۋ مۇمكىندىگىن زەرتتەۋگە كىرىستى. قىتاي وتكەن 2020 -جىلى سيفرلىق يۋانمەن تاجىريبە جۇرگىزە باستادى. وسى جىلدىڭ ءساۋىر ايىندا سيفرلىق يۋانمەن العاش رەت اۋە بيلەتى الىندى، ال 2022 -جىلى ۆاليۋتا قوعامدىق اينالىمعا شىعادى. جاپونيانىڭ ۇلتتىق بانكى دە ءوزىنىڭ سيفرلىق ۆاليۋتاسىن ەنگىزۋ مۇمكىندىكتەرىن قاراستىرۋدا»، - دەدى دەپۋتا ۇكىمەت باسشىسىنىڭ اتىنا جولداعان ساۋالىندا.

ونىڭ ايتۋىنشا، 2022 -جىلى رەسەي بانكى سيفرلىق رۋبلدى سىناقتان وتكىزۋدى جوسپارلاپ وتىر. سونىمەن قاتار، ەۋروپالىق ورتالىق بانك الداعى جىلدارى سيفرلىق ەۋرونى شىعارۋدى جوسپارعا ەنگىزگەن.

«ۇلتتىق سيفرلىق ۆاليۋتالاردى ەنگىزۋدىڭ باستى ماقساتى - تەحنولوگيالىق تۇرعىدان نەعۇرلىم قولجەتىمدى ىشكى ءوزارا ەسەپ الماسۋدى، سونداي- اق ترانسشەكارالىق تولەمدەردى قامتاماسىز ەتەتىن جىلدام جانە زاڭدى تولەم قۇرالىن قۇرۋ بولىپ سانالادى. سونىمەن بىرگە، مەملەكەتتىك سيفرلىق ۆاليۋتانىڭ كريپتوۆاليۋتادان ەرەكشەلىگى - ورتالىق بانكى تاراپىنان ەميسسياسى قاداعالاناتىن قامتاماسىز ەتىلگەن سيفرلىق اكتيۆ بولۋى كەرەك. الەمدىك تەندەنتسيالارعا نازار اۋدارىپ، ۇكىمەت جاڭا قارجى قۇرالىن - سيفرلىق ۆاليۋتانىڭ، جوعارىدا ايتىلعان ارتىقشىلىقتارىن ەسكەرە وتىرىپ، ۇلتتىق بانكىنىڭ سيفرلىق ۆاليۋتاسىن زەرتتەۋگە جانە ىسكە اسىرۋعا ناقتى قادامدار جاساۋى قاجەت دەپ سانايمىن»، - دەدى تىلەكتەس ادامبەكوۆ.

ونىڭ پايىمىنشا، ق ر ۇلتتىق بانكىنىڭ سيفرلىق ۆاليۋتاسىن ءساتتى ەنگىزۋ قازاقستان ەكونوميكاسىنا مىناداي مۇمكىندىكتەردى الىپ كەلەدى:

1. ۇلتتىق بانك تاراپىنان اقشا- نەسيە ساياساتىن نەعۇرلىم اشىق ءارى ءتيىمدى باقىلاۋ جانە اينالىمداعى قولما قول اقشانىڭ ۇلەسىن وڭتايلاندىرادى.

2. اعىنداردىڭ اشىقتىعىن، سونداي- اق سيفرلىق اكتيۆتەردىڭ يەلەرىن، جۇزەگە اسىرىلاتىن تولەمدەردىڭ ماقساتىن ناقتى انىقتاۋ مۇمكىندىگىنە بايلانىستى سيفرلىق ۆاليۋتانى ەنگىزۋ كولەڭكەلى ەكونوميكانى جويۋعا ىقپال ەتەدى.

3. سيفرلىق اكتيۆتەردى يەلەنۋ فاكتىسىنىڭ وزگەرمەيتىندىگى مەن انىقتىعىنىڭ ارقاسىندا ەكىنشى دەڭگەيدەگى بانكتەردىڭ كليەنتتەرى سيفرلىق ۆاليۋتانى تەڭگەگە جانە كەرىسىنشە اۋدارىپ قانا قويماي، سونىمەن قاتار جەكە بانكتىڭ ىقتيمال دەفولتىنان قورعالاتىن بولادى.

4. بيزنەس وكىلدەرى ءۇشىن بلوكچەين تەحنولوگياسىنىڭ بازاسىندا جاڭا سيفرلىق ونىمدەردى، تاۋارلار مەن قىزمەتتەر نارىعىندا قارجى قۇرالدارىن، باسەكەگە قابىلەتتى ماركەتپلەيستەردى، ينۆەستيتسيالىق الاڭداردى قۇرۋ مۇمكىندىكتەرى پايدا بولادى.

«قارجى مينيسترلىگى مەن ۇلتتىق بانكى جوعارىدا ايتىلىپ كەتكەن الەمدىك تاجىريبيە مەن تەندەنتسيانى ەسكەرە وتىرىپ، قازاقستاندىق سيفرلىق ۆاليۋتانى ەنگىزۋ تۇجىرىمداماسىن ازىرلەۋى كەرەك دەپ سانايمىز»، - دەدى دەپۋتات.

اۆتور: رۋسلان عابباسوۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات