ساتىپ العان كەز كەلگەن تاۋارىڭىزدى دۇكەنگە قايتارۋعا بولادى - دەپارتامەنت

None
None
الماتى. قازاقپارات - الماتى قالالىق تۇتىنۋشىلار قۇقىعىن قورعاۋ دەپارتامەنتىنىڭ باسشىسى ارمان اقسۋبايەۆ ونلاين بريفينگ بارىسىندا الماتىلىقتاردىڭ تاۋار ساتىپ الۋ كەزىندەگى قۇقىقتارى تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، الماتى قالاسىندا ءار سەكۋند سايىن تاۋار ساتىپ الىنادى، سونىمەن بىرگە ازاماتتار ساپاسى تومەن تاۋارلارعا، ءتىپتى كەيدە ساتۋشى تاراپىنان الداۋ ارەكەتتەرىنە تاپ بولادى. سپيكەر اتاپ وتكەندەي، تاۋار- اقشا قاتىناستارى اياسىندا قولايسىز جاعدايلار كوپ كەزدەسەدى.

ادەتتە دۇكەندەر مەن سۋپەرماركەتتەردە اقاۋلى تاۋارلاردى ەش قيىندىقسىز اۋىستىرىپ بەرەدى نەمەسە اقشاسىن قايتارادى. مۇندا ەڭ باستىسى - قولىڭىزدا تاۋارلىق نەمەسە فيسكالدىق چەك بولۋى كەرەك. سونىمەن قاتار، ول «تۇتىنۋشىلاردىڭ قۇقىقتارىن قورعاۋ تۋرالى» زاڭعا سايكەس ساپاسىز تاۋاردى ساتىپ العان جاعدايدا، ەگەر ساتۋشى وعان تاۋارداعى كەمشىلىكتەر جونىندە ايتپاعان جاعدايدا، تۇتىنۋشى ءوز تاڭداۋى بويىنشا مىنانى تالاپ ەتۋگە قۇقىلى ەكەنىن اتاپ ءوتتى:

1) ساتىپ الۋ باعاسىن مولشەرىنە (ساپاسىنا) قاراي كەمىتۋدى؛

2) تاۋاردىڭ كەمشىلىكتەرىن وتەۋسىز جويۋدى؛

3) تاۋاردىڭ كەمشىلىكتەرىن جويۋعا جۇمساعان ءوز شىعىستارىن وتەۋدى تالاپ ەتۋگە قۇقىلى؛

4) ۇقساس ماركالى (مودەلدى، ارتيكۋلدى) تاۋارعا اۋىستىرۋعا؛

5) ساتىپ الۋ باعاسىن تيىسىنشە قايتا ەسەپتەي وتىرىپ، باسقا ماركالى (مودەلدى، ارتيكۋلدى) سونداي تاۋارعا اۋىستىرۋ؛

6) شارتتى بۇزۋعا جانە تاۋار ءۇشىن تولەنگەن اقشالاي سومانى قايتارۋدى تالاپ ەتۋگە قۇقىلى. كەپىلدىك مەرزىمى ىشىندە ءونىمنىڭ كەمشىلىكتەرىنە بايلانىستى تالاپتاردى قويۋ قاجەت ەكەنىن ەستە ۇستاعان ءجون.

ەگەر تاۋارعا كەپىلدىك مەرزىمى بەلگىلەنبەسە، كەمشىلىكتەرگە بايلانىستى تالاپتاردى تۇتىنۋشى ولار ساتىلعان تاۋاردا ساتىپ الىنعان كۇننەن باستاپ ەكى جىل شەگىندە تابىلعان جاعدايدا قويا الادى. «ەگەر تاۋاردى تەكسەرۋ (ساراپتاۋ) ناتيجەسىندە كەمشىلىكتەر جوق ەكەنى نەمەسە تاۋاردى تۇتىنۋشىعا بەرگەننەن كەيىن ونىڭ پايدالانۋدىڭ، ساقتاۋدىڭ بەلگىلەنگەن قاعيدالارىن بۇزۋى سالدارىنان تۋىنداعانى انىقتالسا، تۇتىنۋشى ساتۋشىعا ساراپتاما جۇرگىزۋگە ارنالعان شىعىستاردى، سونداي- اق تاۋاردى تاسىمالداۋعا ارنالعان شىعىستاردى وتەۋگە مىندەتتى»، - دەدى ارمان اقسۋبايەۆ.

بۇل رەتتە تۇتىنۋشى ساپانى تەكسەرۋگە جانە تاۋارعا ساراپتاما جۇرگىزۋگە جەكە ءوزى نەمەسە ءوزىنىڭ وكىلى ارقىلى قاتىسۋعا، سونداي- اق تاۋاردى ءوز ەسەبىنەن تەكسەرۋگە قۇقىلى ەكەنىن ەستە ساقتاۋ قاجەت.

ارمان اقسۋبايەۆ ۇسىنىمدار رەتىندە الماتىلىق تۇتىنۋشىلارعا ساپاسىز تاۋار ساتىپ العان جاعدايدا ساۋدا ورنىندا ءوزىنىڭ بولعانىن جانە ساتىپ العانىن راستاۋ ءۇشىن سۋرەتكە ءتۇسىرۋدى ۇسىنادى. «دۇكەندەردە سۋرەتكە تۇسىرۋگە تىيىم سالىنبايدى. ەگەر چەك جوعالعان نەمەسە بەرىلمەگەن بولسا، بۇل بولاشاقتا كومەگىن تيگىزۋى مۇمكىن»، - دەپ تولىقتىردى دەپارتامەنت باسشىسى.

سوڭعى جاڭالىقتار