+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

دەپۋتات ەلىمىزدەگى مەكتەپتەردىڭ كۇزەتىنە قاتىستى پىكىر ءبىلدىردى

12 مامىر 14:40
:ءبولىسۋ
دەپۋتات ەلىمىزدەگى مەكتەپتەردىڭ كۇزەتىنە قاتىستى پىكىر ءبىلدىردى

نۇر-سۇلتان. قازاقپارات - ءماجىلىستىڭ جالپى وتىرىسىندا دەپۋتات اندرەي ليننيك ەل اۋماعىنداعى مەكتەپتەر مەن بالاباقشا قاۋىپسىزدىگىن كۇشەيتۋگە قاتىستى ۇسىنىس ايتتى.

وسى ورايدا ول ۇكىمەت باسشىسى اسقار ءماميننىڭ اتىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.

«قازان قالاسىندا بولعان قايعىلى وقيعا ۇرەي تۋدىرعانى انىق. 19 جاستاعى ادامنىڭ قولىنان مۇعالىمدەر مەن وقۋشىلار قۇربان بولدى. زارداپ شەككەندەردىڭ تۋىستارى مەن جاقىندارىنا قايعىرىپ كوڭىل ايتامىز»، - دەدى دەپۋتات.

ونىڭ ايتۋىنشا، مەكتەپتەردەگى كۇزەت فۋنكتسيالارىن كوبىنە زەينەت جاسىنداعى ۆاحتەرلەر اتقارىپ كەلەدى. «ولارمەن سىپايى ءارى سەنىمدى نەگىزدە سويلەسۋ عيماراتقا كەدەرگىسىز كىرۋگە جەتكىلىكتى بولادى. ال ەگەر قاستاندىق جاساۋ نيەتىندە كەلگەن ادام بولسا، ەگدە جاستاعى كۇزەتشى وعان قانداي قارسىلىق كورسەتە الادى؟»، - دەدى اندرەي ليننيك.

وسى ورايدا ول مەكتەپتەر مەن مەكتەپكە دەيىنگى مەكەمەلەر جانە ولاردىڭ اۋماعىنداعى جەرلەردە قاۋىپسىزدىك ءتيىستى دەڭگەيدە ەمەس ەكەنىن ايتتى.

«قازانداعى جاعدايعا توقتالساق، مەكتەپ اۋماعىنا بوتەن ادام كىرگەن بولاتىن. ءبىراق باسقا ەلدەردە وسىعان دەيىن بولعان وقيعالاردا الەۋمەتتىك جەلى مەن كومپيۋتەر ويىندار ىقپالىمەن وقۋشىلاردىڭ وزدەرى وسىنداي قىلمىسقا بارىپ جاتاتىنىن كوردىك»، - دەدى دەپۋتات.

وسىعان بايلانىستى دەپۋتاتتىق ساۋالدا ءبىرقاتار ۇسىنىستار ايتىلدى. بىرىنشىدەن، وقۋشىلار سىيىمدىلىعىنا قاراماستان، ءبىلىم بەرۋ نىساندارىنىڭ انتيتەرروريستىك قورعانىس جۇيەسىنە تالاپتاردى قايتا قاراۋ ماسەلەسى كوتەرىلدى. ەكىنشىدەن، قوعامدىق ورىنداردى كۇزەتەتىن كۇزەت قىزمەتتەرىنىڭ قىزمەتكەرلەرىنە قارۋ ۇستاۋعا جانە ولارعا مۇلىكتىك كەشەندى عانا ەمەس، سونىمەن قاتار ادامداردىڭ قاۋىپسىزدىگىن دە كۇزەتۋدى جۇزەگە اسىرۋ مىندەتىن جۇكتەۋگە رۇقسات بەرۋ ۇسىنىسى ايتىلدى. ۇشىنشىدەن، مەكتەپ پسيحولوگتارىنىڭ جۇمىسىن كۇشەيتۋ كەرەك ەكەنى جەتكىزىلدى. تورتىنشىدەن، اتىس قارۋىن الىپ ءجۇرۋ مەن ساقتاۋعا رۇقسات بەرۋگە قاداعالاۋدى كۇشەيتۋ كەرەكتىگى ايتىلدى.

بۇدان بۇرىن حابارلانعانداي، 11-مامىردا قازان قالاسىنداعى مەكتەپتە قىلمىسكەر وق جاۋدىرىپ، ادامدار قۇربان بولدى. بۇگىن ق ر ءبىلىم جانە عىلىم ءمينيسترى اسحات ايماعامبەتوۆ تاتارستاننىڭ قازان قالاسىندا بولعان جاعدايعا بايلانىستى ەلىمىزدەگى اعىمداعى جاعدايعا تالداۋ جۇرگىزۋدى جانە جاقىن ارادا بالالاردىڭ قاۋىپسىزدىگىن قامتاماسىز ەتۋ بويىنشا بارلىق دەڭگەيلەردە قوسىمشا كەشەندى شارالار قابىلداۋدى تاپسىردى.

«ءبىز وسى قايعىلى وقيعالاردان ساباق الۋىمىز كەرەك. كەشە وسى ماسەلەلەر بويىنشا كەڭەس وتكىزدىم. اعىمداعى جاعدايعا تالداۋ جۇرگىزۋدى جانە جاقىن ارادا بالالاردىڭ قاۋىپسىزدىگىن قامتاماسىز ەتۋ بويىنشا بارلىق دەڭگەيلەردە قوسىمشا كەشەندى شارالار قابىلداۋدى تاپسىردىم»، دەپ جازدى مينيستر.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات