قوعامدا رەزونانس تۋعىزعان الماتىداعى جول اپاتىنا كىنالىلەر سوتتالدى - ۆيدەو

None
None
الماتى. قازاقپارات - قوعامدىق رەزونانس تۋدىرعان الماتىداعى جول اپاتىنا قاتىسۋشىلار سوتتالدى، دەپ حابارلايدى قازاقپارات ءتىلشىسى.

«قىلمىستىق ءىس ماتەريالدارىنا سايكەس، جۇرگىزۋشى س. ساتقىنباي Daewoo Matiz اۆتوكولىگىمەن ى. التىنسارين كوشەسىنىڭ بويىمەن وڭتۇستىك باعىتتا كەلە جاتىپ، اباي داڭعىلىمەن قيىلىسقان تۇستا جول ەرەجىسىن بۇزىپ، تىيىم سالىنعان باعدارشامنىڭ قىزىل تۇسىنەن ءوتىپ، جولدان شىعىپ كەتتى. سول جەردە جۇرگىزۋشى ە. ۆ. يۆچەنكونىڭ باسقارۋىنداعى «JAC S3» اۆتوكولىگىمەن سوقتىعىستى. ە. ۆ. يۆچەنكو دا جول ەرەجەسىن بۇزعان. ول اباي داڭعىلىمەن شىعىس باعىتتا كەلە جاتىپ باعدارشامنىڭ تىيىم سالىنعان سارى تۇسىنە ءوتىپ كەتكەن. سالدارىنان ە. ۆ. يۆچەنكو تىزگىندەگەن كولىك ينەرتسيامەن قوزعالىپ، كوشەنىڭ بۇرىشىندا تۇرعان جاياۋ جۇرگىنشىنى قاعىپ كەتتى. سالدارىنان جاياۋ ادام اۋىر دەنە جاراقاتىن الدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدراحمانوۆ.

اتالعان دەرەك بويىنشا جۇرگىزىلگەن تەرگەۋ اياقتالدى. «اۋەزوۆ اۋداندىق سوتىنىڭ ۇكىمىمەن ەكى جۇرگىزۋشى دە ق ر ق ك-نىڭ 345-بابى 2-ءبولىمى بويىنشا قىلمىس جاساعانى ءۇشىن كىنالى دەپ تانىلىپ ولاردىڭ ءارقايسىسى ءبىر جىلعا سوتتالدى. سونداي- اق، ءۇش جىل مەرزىمگە كولىك قۇرالىن باسقارۋ قۇقىعىنان ايىردى»، - دەپ اتاپ ءوتتى سپيكەر.

ەسكە سالايىق، بۇل جول كولىك اپاتى 2020 -جىلى 17-قىركۇيەكتە تاڭعى ساعات 08:00 شاماسىندا الماتى قالاسى اۋەزوۆ اۋدانىندا بولعان.


اۆتور: الما مۇقانوۆا


سوڭعى جاڭالىقتار