نۇر- سۇلتاندا كىمدەر گازدى ۇيىنە تەگىن كىرگىزە الادى
تۇرعىن ۇيلەردى گازداندىرۋ بويىنشا الەۋمەتتىك كومەك كورسەتۋ تۋرالى اقپارات (كوكتال -1، كوكتال-2، اگروگورودوك، جەلەزنودوروجنىي، پرومىشلەننىي ەلدى مەكەنى) باسپاناسىن گازداندىرۋ ءۇشىن ءبىرجولعى الەۋمەتتىك كومەك ءتورت ەڭ تومەن كۇنكورىس دەڭگەيىنەن اسپايتىن (150900 تەنگە) جان باسىنا شاققانداعى تابىسى بولعان جانە ولاردا، ولاردىڭ وتباسى مۇشەلەرىندە باسقا تۇرعىن ءۇيى بولماعان جاعدايدا، نۇر- سۇلتان قالاسى گازداندىرۋ جونىندەگى ءىس- شارالار جوسپارىنا سايكەس گازداندىرۋعا جاتاتىن جەرگىلىكتى جەكە تۇرعىن ۇيدە تۇراتىن ونىڭ جەكە مەنشىك يەسى نەمەسە جەكە مەنشىك يەسىنىڭ وتباسى مۇشەلەرى بولىپ سانالاتىن جاسى بويىنشا زەينەتكەرلەرگە، مۇگەدەكتەرگە، مۇگەدەك بالالارعا، كوپبالالى انالارعا جانە كوپبالالى وتباسىلارعا جۇرگىزىلەدى.
الەۋمەتتىك كومەكتىڭ كولەمى 90 ا ە ك- تەن (262530 تەڭگە) اسپايتىن گاز قۇبىرىن ورناتۋ جانە جۇرگىزۋگە بايلانىستى ءوتىنىش بەرۋشىنىڭ ناقتى شىعىندارىنىڭ نەگىزىندە انىقتالادى. الەۋمەتتىك كومەك الۋ ءۇشىن ءوتىنىش بەرۋشى egov.kz ەلەكتروندىق پورتالى ارقىلى وتىنىشكە قوسا تومەندەگى قۇجاتتاردى ۇسىنادى:
1) وتباسىنىڭ بىرگە تۇراتىن بارلىق مۇشەلەرىنىڭ جەكە باسىن كۋالاندىراتىن قۇجاتتىڭ كوشىرمەسى (جەكە باس كۋالىگى، بالالاردىڭ تۋۋ تۋرالى كۋالىگى)؛
2) جيىنتىق تابىسىن ەسەپتەۋ قاعيداسىنا سايكەس ادامنىڭ (وتباسى مۇشەلەرىنىڭ) تابىسى تۋرالى مالىمەتتەر (حابارلاسقان ۋاقىتتىڭ الدىڭعى توقسانىنا تاعايىندالعان ەڭبەكاقى، اجىراسقان وتباسىلارعا اليمەنت تۋرالى مالىمەت)؛
3) مارتەبەنى راستايتىن قۇجاتتىڭ كوشىرمەسى (زەينەتكەرلىك كۋالىگىنىڭ كوشىرمەسى - زەينەتكەرلەر ءۇشىن مۇگەدەكتىگى جونىندەگى انىقتاماسىنىڭ كوشىرمەسى - مۇگەدەكتەر ءۇشىن، كوپبالالى وتباسىلار ءۇشىن - كوپبالالى وتباسىنىڭ كۋالىگى)؛
4) قازاقستان رەسپۋبليكاسى ادىلەت مينيسترلىگىنىڭ اۋماقتىق ورگانى بەرگەن جىلجىمايتىن مۇلىككە تىركەلگەن قۇقىعىنىڭ بولماۋى (بولۋى) جونىندەگى انىقتاما نىسان № 6 ح ق ك و. سونىمەن قاتار، ارىزدانۋشىنىڭ گازداندىرۋعا ناقتى شىققان شىعىندارىن راستايتىن قۇجاتتار (سەرۆيستىك قىزمەت كورسەتۋدىڭ شارتى، جابدىقتى ساتىپ الۋ شارتى، چەكتەردىڭ كوشىرمەلەرى، بانكتىك شوت تۋرالى مالىمەت).
تولىق كەڭەس الۋ ءۇشىن دوستىق كوشەسى، 13-ۇيدە ورنالاسقان نۇر- سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا، «سارىارقا» اۋدانى بويىنشا: 551487، 87025468695، 87016216299، «الماتى» اۋدانى بويىنشا: 550174، 87017348374. تەلەفوندارىنا حابارلاسۋعا بولادى.