قاراعاندىلىق وقۋشىلار حالىقارالىق عىلىمي بايقاۋدىڭ جەڭىمپازى بولدى
ولار قازىلار القاسىنا «سوققى سيپاتتامالارىن انىقتاۋ ءۇشىن كومپوزيتتىك بالاۋىز جانە گرافيت سەنسورىمەن باسكەتبول دوبىن سىناۋ» عىلىمي جوباسىن ۇسىندى. جوبا اعىلشىن تىلىندە قورعالدى. ءانۋار مەن فارحاتتىڭ عىلىمي جەتەكشىلەرى - فيزيكا ءپانىنىڭ وقىتۋشىلارى ساياگۇل نۇرجىگىتوۆا مەن ستويان رەنديەۆسكي.
«باسكەتبول دوبىنىڭ ساپاسى ەركىن قۇلاعان دوپتىڭ سەكىرۋ بيىكتىگى مەن ەدەنگە سوعىلعان كەزدە دوپقا اسەر ەتەتىن كۇش تۇرعىسىنان تالقىلاندى. گرافيتتىڭ شەكتى كونتسەنتراتسياسى %15 بولاتىن گرافيت بالاۋىزى، ءتىپتى كىشكەنتاي زەرتتەلگەن كۇشتەرمەن دە، سوققىنى ولشەۋگە ارنالعان سەزىمتال سەنسور ەكەندىگى دالەلدەندى»، - دەپ مەكتەپ وقۋشىلارى ءوز زەرتتەۋ باعىتىن تۇسىندىرەدى.
«جاس عالىم» حالىقارالىق عىلىمي بايقاۋى 2015 -جىلدان بەرى وتكىزىلىپ كەلەدى. وسى ۋاقىت ىشىندە وعان قازاقستاننان 400-دەن استام وقۋشى قاتىستى. ۇيىمداستىرۋشىلار - WOOSONG ۋنيۆەرسيتەتى جانە SolBridge حالىقارالىق بيزنەس مەكتەبى (كورەيا، تەدجون قالاسى).
بايقاۋ ەكىنشى جىل قاتارىنان قاشىقتىق فورماتتا وتۋدە. زياتكەرلىك جارىستارعا قاتىسۋشىلاردىڭ زەرتتەۋ جۇمىستارىن ا ق ش، ۇلى بريتانيا، سينگاپۋر، رەسەي جانە باسقا دا ەلدەردىڭ ۋنيۆەرسيتەتتەرىنىڭ پروفەسسورلىق- وقىتۋشىلىق قۇرامى باعالايدى.