نۇرسۇلتان نازاربايەۆ تۇركىستانداعى «كاراۆان-ساراي» تۋريستىك كەشەنىنە باردى

None
None
تۇركىستان. قازاقپارات - ق ر تۇڭعىش پرەزيدەنتى تۇركىستانداعى «كاراۆان-ساراي» تۋريستىك كەشەنىنىڭ جۇمىسىمەن تانىستى، دەپ حابارلايدى قازاقپارات.

«ەلباسى «كاراۆان- ساراي» بەلگىلى تۋريستىك كەشەنىنىڭ جۇمىسىمەن تانىستى. نۇرسۇلتان نازاربايەۆ «التىن سامۇرىق» ۇشاتىن تەاترعا بارىپ، «قىز قۋۋ» جانە سۋ ۇستىندەگى تەاترلاندىرىلعان شوۋدى تاماشالادى»، - دەپ ءمالىم ەتتى ەلباسىنىڭ باسپا ءسوز حاتشىسى ايدوس ۇكىباي.

ءبىر شاقىرىمعا سوزىلعان كەشەندە ءتورت مىڭ ادام جۇمىس ىستەيدى. جوباعا سالىنعان ينۆەستيتسيا كولەمى - 87 ميلليارد تەڭگە. ەرەكشە ستيلدە سالىنعان نىسان ۇلى جىبەك جولىنداعى ساۋدانى ەلەستەتەدى.

مۇندا قوناق ۇيلەر، مەيرامحانالار، فۋد-كوردتار، شىعىس بازارى، قولونەرشىلەر كوشەسى سەكىلدى ساۋدا جانە ويىن-ساۋىق ورتالىقتارى بار. كەشەن ىشىندەگى ساۋدا نىساندارى مەن ويىن-ساۋىق ورتالىقتارىن سۋ ارناسى بىرىكتىرەدى. قايىققا وتىرىپ كەز كەلگەنىنە ءجۇزىپ بارۋعا بولادى.

سوندىقتان «كەرۋەن-سارايدى» «قازاقستانداعى ۆەنەتسيا» دەپ اتايدى.

الىپ كەشەننىڭ جوباسىن «Turkistan Tourism City» كومپانياسى ىسكە اسىرعان. كەشەن قۇرىلىسى 2019-جىلى جەلتوقسان ايىندا باستالىپ، نىسان 20,5 گەكتەر اۋماقتا ورنالاسقان.

كەشەنگە جىبەك جولى داۋىرىندەگى ساۋداگەرلەر مەن قولونەرشىلەر كوشەسى، «ۇشاتىن تەاتر»، ات شوۋىن وتكىزۋگە ارنالعان امفيتەاتر، شىعىس بازارى، ساۋدا سورەلەرى مەن بۋتيكتەر، قوناق ۇيلەر مەن مەيرامحانالار، س پ ا جانە فيتنەس-ورتالىق، كينوتەاتر، وتباسىلىق ويىن-ساۋىق ورتالىعى كىرەدى.

بۇل رەتتە، بارلىق قۇرىلىمدار سۋ ارناسى ارقىلى بايلانىستىرىلعان، وندا سۋداعى «قايىق شەرۋى» تەاترلاندىرىلعان شوۋى وتكىزىلەدى.

«كەرۋەن-ساراي» كەشەنىنىڭ ورتالىق ازيادا بالاماسى جوق جانە ول قوجا احمەت ياساۋي كەسەنەسىنەن كەيىن وڭىرگە تۋريستەر مەن ينۆەستيتسيالاردى تارتاتىن باستى ورتالىققا اينالادى دەپ كۇتىلۋدە.

جىبەك جولىنىڭ تاريحي ساۋدا كوشەسىن قۇرۋ ەسەبىنەن تۋريستەردى تارتۋ جانە تۋريزمدى، سونداي-اق شاعىن جانە ورتا بيزنەستى دامىتۋ جوسپارلانعان.

قازىر وسىناۋ كەشەندى كورسەم، تاريحىمەن تانىسسام دەپ كورشى مەملەكەتتەردەن، ەل ىشىنەن تۋريستەر كوپتەپ كەلۋدە.

سوڭعى جاڭالىقتار