پرەزيدەنت اقتوعاي كەن بايىتۋ كومبيناتىن تاۋەلسىزدىك كۇنى قارساڭىندا ىسكە قوسۋدى تاپسىردى
قازاقپارات بۇل تۋرالى اقورداعا سىلتەمە جاساپ حابارلايدى.
قاسىم-جومارت توقايەۆقا اقتوعاي كەن بايىتۋ كومبيناتى قۇرىلىسىنىڭ ەكىنشى كەزەڭى تۋرالى اقپارات بەرىلدى.
زاماناۋي جانە سيفرلىق تەحنولوگيالار قولدانىلاتىن نىسان پايدالانۋعا بەرىلگەننەن كەيىن، ول الەمدەگى مىس كونسەنتراتىن وندىرەتىن ءىرى كاسىپورىنداردىڭ قاتارىنا قوسىلۋعا مۇمكىندىك الادى.
جوباعا 1,2 ميلليارد ا ق ش دوللارى كولەمىندە ينۆەستيتسيا سالىنادى.
مۇندا قوسىمشا 1200 جاڭا جۇمىس ورنى اشىلادى. پرەزيدەنت كومبيناتتىڭ قۇرىلىسىن اياقتاپ، تاۋەلسىزدىك كۇنى قارساڭىندا ىسكە قوسۋدى تاپسىردى. ولەگ نوۆاچۋك كومپانيا قىزمەتكەرلەرى مەملەكەت باسشىسىنىڭ تاپسىرماسىن بارىنشا قىسقا مەرزىمدە ورىنداپ، جوسپارعا سايكەس ءونىم وندىرە باستايتىنىن ايتتى.
قاسىم-جومارت توقايەۆقا جۇمىسشىلارعا جاسالىپ جاتقان جاعداي جايىندا، اتاپ ايتقاندا، ولاردى باسپانامەن، ازىق-تۇلىكپەن قامتاماسىز ەتۋ، بوس ۋاقىتتارىن ءتيىمدى وتكىزۋدى ۇيىمداستىرۋ تۋرالى باياندالدى.