ريددەردەگى ءورت: قايىرىمدىلىق اكسياسى باستالدى

وسكەمەن. قازاقپارات - شىعىس قازاقستان وبلىسىندا ءتىلسىز جاۋدان زارداپ شەككەن ريددەر قالاسى لەسحوز كەنتىنىڭ تۇرعىندارىنا كومەك كورسەتۋ ءۇشىن قايىرىمدىلىق اكسياسى باستالدى، دەپ حابارلايدى قازاقپارات ءتىلشىسى.

«ريددەر، ءبىز بىرگەمىز!» اكسياسى10- مامىردا بولعان ءورتتىڭ سالدارىنان باسپاناسىز قالعان وتباسىلارعا كومەك كورسەتۋگە باعىتتالعان. ش ق و- داعى بارلىق قالا- اۋدان اكىمدىكتەرىنىڭ، باسقارمالار مەن مەملەكەتتىك مەكەمەلەردىڭ قىزمەتكەرلەرى ءبىر كۇندىك جالاقىلارىن «بىرلىك» قورىنا اۋدارۋدا.

«قازىرگى ۋاقىتتا وبلىس بويىنشا ورتتەن زارداپ شەككەندەرگە گۋمانيتارلىق كومەك جيناۋ ناۋقانى ۇيىمداستىرىلدى.

Nur Otan پارتياسىنىڭ شىعىس قازاقستان وبلىستىق فيليالى Birgemiz اكسياسىن جاريالادى، اكسيا شەڭبەرىندە ءبىرىنشى قاجەتتىلىكتەگى زاتتار، قۇرىلىس ماتەريالدارى جيناقتالۋدا. سونىمەن قاتار وڭىرلىك كاسىپكەرلەر پالاتاسى بيزنەس وكىلدەرىن الەۋمەتتىك جاۋاپكەرشىلىك كورسەتىپ، ريددەرلىكتەرگە قولدان كەلگەنشە كومەك كورسەتۋگە شاقىردى»، - دەپ حابارلادى ش ق و اقپارات ورتالىعى.

وبلىس ءدىنباسىلارى «قايىرىمدى بولساڭ، قايىرىمىن ءوزىڭ كورەسىڭ» اكسياسىن قولعا العان. ازىق- تۇلىك، اقشالاي قاراجات، كيىم- كەشەك سىندى زاتتار حاليفا التاي مەشىتىندە، سونداي- اق وبلىستىڭ قالالارى مەن اۋداندارىنىڭ مەشىتتەرىندە قابىلدانادى. بۇگىن ش ق و ق ح ا جانە د. سەرىكبايەۆ اتىنداعى ش ق ت ۋ- دىڭ «جاقسىلىقتى بىرگە جاسايمىز» ەرىكتىلەر قوزعالىسى قالاعا گۋمانيتارلىق كومەك جىبەردى. بۇدان بولەك، الەۋمەتتىك جەلىدە وبلىس اكىمدىگىنىڭ اتىنا ءوڭىردىڭ بۇل جاعدايعا بەي- جاي قارامايتىن ازاماتتارىنان دا حاتتار كەلىپ تۇسۋدە. ماسەلەن، وسكەمەندىك كاسىپكەر يساتاي انسات اكىمشىلىك عيمارات پەن ۋچاسكەسىنىڭ قاجەتتى بولىگىن تۇرعىن ءۇي رەتىندە جوندەۋ جۇمىستارىن جۇرگىزىپ، ودان كەيىن زارداپ شەككەن وتباسىلارىنىڭ مەنشىگىنە بەرۋ ءۇشىن تەگىن بەرەتىندىگى تۋرالى نيەتىن بىلدىرگەن حات جاريالادى.

حابارلامادا ايتىلعانداي، بۇل شامامەن 3800 شارشى مەتر اكىمشىلىك عيماراتتان تۇراتىن بۇرىنعى اسكەري ءبولىمنىڭ عيماراتى. ال «قازمىرىش» كومپانياسى ۇيلەرى ورتەنىپ كەتكەن بارلىق وتباسىلارعا 1 ميلليون تەڭگەدەن بولىنەتىنىن جەتكىزگەن»، - دەلىنگەن اقپاراتتا.

ايتا كەتەيىك، زارداپ شەككەندەرگە ماتەريالدىق قاراجات جيناۋ ءۇشىن «بىرلىك» قورى اشىلعان. قولۇشىن سوزامىن دەۋشىلەر بولسا كەلەسى شوتقا اقشا جولداي الادى: KZ094809KZT22031440 ج س ن (ب س ن) 141140013670.

اۆتور: تالعاتجان مۇحامەتبەك ۇلى