ەلباسى تۇركىستانداعى جاڭا مۋزىكالىق دراما تەاتردىڭ اشىلۋىنا قاتىستى

تۇركىستان. قازاقپارات - ەلباسى نۇرسۇلتان نازاربايەۆ تۇركىستاندا جاڭا مۋزىكالىق دراما تەاتردىڭ اشىلۋ سالتاناتىنا قاتىستى.

بۇل تۋرالى تۇڭعىش پرەزيدەنتتىڭ رەسمي وكىلى ايدوس ۇكىباي ءمالىم ەتتى، دەپ حابارلايدى قازاقپارات.

تەاتردا ەلباسى «شاڭىراق» مينياتيۋراسىن تاماشالادى. سونداي-اق قۇرمەتتى قوناقتار كىتابىنا ەستەلىك جازبا قالدىرىپ، ب ا ق وكىلدەرى ءۇشىن بريفينگ وتكىزدى.

ەسكە سالايىق، بۇگىن ەلباسى تۇركىستان قالاسىنا كەلدى. ساپار بارىسىندا قالاداعى ساياباقتى اباتتاندىرۋ ناتيجەلەرىمەن تانىسىپ، قازاق حاندىعىنا ارنالعان مەموريالدىق كەشەننىڭ اشىلۋ راسىمىنە قاتىستى.

بۇدان بولەك، «ياسسى» بوتانيكالىق باعىنىڭ دامۋ جوسپارىمەن تانىستى.

«ازىرەت سۇلتان» تاريحي-مادەني قورىعى اۋماعىندا ورنالاسقان ەتنواۋىلعا ات باسىن بۇردى.