+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

نۇرسۇلتان نازاربايەۆ قازاق حاندىعىنا ارنالعان مەموريالدىق كەشەننىڭ اشىلۋ راسىمىنە قاتىستى

11 مامىر 18:00
:ءبولىسۋ
نۇرسۇلتان نازاربايەۆ قازاق حاندىعىنا ارنالعان مەموريالدىق كەشەننىڭ اشىلۋ راسىمىنە قاتىستى

تۇركىستان. قازاقپارات - ەلباسى نۇرسۇلتان نازاربايەۆ قازاق حاندىعىنا ارنالعان مەموريالدىق كەشەننىڭ اشىلۋ راسىمىنە قاتىستى.

بۇل تۋرالى ەلباسىنىڭ باسپا ءسوز حاتشىسى ايدوس ۇكىباي twitter- دەگى پاراقشاسىندا جازدى.

كەشەندە يىلگەن 21 قاناتتى كورۋگە بولادى. بۇل تۇركىستاندا جەرلەنگەن 21 حاندى بىلدىرەدى. ەسىم حاننان اليكەن حانعا دەيىنگى بابالارىمىزدىڭ ەسىمدەرى مەن باسقارعان جىلدارى دا جازىلعان.


سونداي- اق، ەلباسى «ۇلى دالا بىرلىگى» اتتى كاپسۋلانى سالدى. ونىڭ ىشىندە ەلىمىزدىڭ تۇكپىر- تۇكپىرىندەگى قاسيەتتى جەرلەردىڭ توپىراعى جينالعان. جوبالاۋ قۇنى 1,9 ميلليارد تەڭگە بولاتىن مەموريالدىق كەشەننىڭ جالپى اۋدانى 0,85 گ ا قۇرايدى.

جاڭا نىساننىڭ بارالەفىندە قازاق بيلەرىنىڭ، قازاق دانالارىنىڭ كوركەمسوزدەرى قاشالعان. شەڭبەر تارىزدەس سالىنعان پيلوندارداعى گرانيتتىك تاقتايشالارعا قازاق دالاسىن باسقارعان 21 حاننىڭ ەسىمدەرىمەن قاتار ولاردىڭ بيلىك جۇرگىزگەن جىلدارى دا جازىلعان.


«تۇركىستاننىڭ ۇلتاراقتاي جەرى ات باسىنداي التىنعا تاتيدى دەگەن راس ەكەن. ءبىز قالا بۇنداي جىلدام داميدى دەپ ويلامادىق. تۇركى الەمىنىڭ رۋحاني استاناسىنا اينالعان تۇركىستاننىڭ وسىنشاما جىلدام دامۋى ەلباسىنىڭ ارقاسى. ەل اعىلىپ كەلىپ جاتىر. بۇرىن ىستىقتان كۇندىز جۇرە المايتىنبىز. قازىر بارلىق جەردە سۋبۇرقاق، ساياباق سالىندى، تالدار ەگىلدى. اينالا كوك مايسا. كوز تويماس عيماراتتار اشىلىپ جاتىر. وسىنىڭ ءبارى ەلباسىنىڭ ەڭبەگى. ىستەيمىن دەگەن ادامعا قازىر تۇركىستاندا جۇمىس كوپ. قاسيەتتى قالامىزدىڭ الىدە ادام تانىماستاي وزگەرە بەرەتىنە سەنەمىز. تۇركىستان الەمدەگى كوپتەگەن حالىقتاردىڭ رۋحاني ورتالىعىنا اينالىپ وتىر. بۇندا كەلگەن ادامداردىڭ جۇزىنەن مەيىرىم كورىنەدى. تۇركىستان جۇرەككە يمان ۇيىرەدى. قالا كوڭىلگە تىنىشتىق، جايلىلىق سىيلايدى»، - دەيدى قوجا احمەت ياساۋي اتىنداعى قازاق- تۇرىك حالىقارالىق ۋنيۆەرسيتەتىنىڭ دوتسەنتى گۇلسارا توقىلوۆا.

سونداي- اق، ەلباسى تۇركىستان قالاسىنداعى «تۇڭعىش پرەزيدەنت ساياباعىن» اباتتاندىرۋ ناتيجەلەرىمەن تانىستى.






:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات