قازانداعى مەكتەپتە بولعان اتىس: تاتارستاندا ازا تۇتۋ كۇنى جاريالادى
بۇل تۋرالى تاتارستان رەسپۋبليكاسى پرەزيدەنتىنىڭ باسپا ءسوز قىزمەتىنىڭ جەتەكشىسى ليليا گاليموۆا ءمالىم ەتتى، دەپ حابارلايدى قازاقپارات تاتار- ينفورم اقپارات اگەنتتىگىنە سىلتەمە جاساپ.
سوڭعى مالىمەتتەر بويىنشا №175 قازان گيمنازياسىندا بولعان اتىس كەزىندە 8 ادام قازا تاپتى، 21 ادام ءتۇرلى اۋرۋحانادا جاتىر. قايعىلى جاعدايعا بايلانىستى تاتارستان پرەزيدەنتى رۋستام ميننيحانوۆ 12- مامىردى رەسپۋبليكادا ازا تۇتۋ كۇنى دەپ جاريالادى.
قازان مەكتەپبىندەگى اتىستان قازا تاپقانداردىڭ جاقىندارى مەن وتباسىنا رەسەي پرەزيدەنتى ۆلاديمير پۋتين كوڭىل ايتتى.
ەسكە سالا كەتەيىك، 11 - مامىردا قازان قالاسىنداعى فايزي كوشەسىندەگى مەكتەپتە بەلگىسىز ەكى ادام وق جاۋدىرعان بولاتىن. ءبىلىم مەكەمەسىندەگى اتىستى جاسوسپىرىم باستاعان جانە قازىرگى كەزدە ول ۇستالعان.
بۇعان دەيىن اتىس كەزىندە 11 ادام قازا تاۋىپ، تاعى 10 ادام زارداپ شەككەنى حابارلاعان ەدى.
اۆتور: اياۋلىم التىنبەك