«مەن ءوز ەلىمنىڭ پاتريوتىمىن»: الماتىلىق وقۋشىلار ەسسە جازۋدان جارىستى
الماتى قالاسىنداعى №129-ورتا مەكتەپ ديرەكتورىنىڭ تاربيە ءىسى جونىندەگى ورىنباسارى الماگۇل جەكسەمبينانىڭ ايتۋىنشا، وقۋشىلار بۇل بايقاۋعا قۋانا قاتىستى. قاتىسۋشىلاردىڭ ءارقايسىسى وزدەرىنىڭ پاتريوتتىق سەزىمدەرىن جانە ءوز ەلىنە دەگەن سۇيىسپەنشىلىگىن كورسەتۋگە تىرىستى. «مەن ءوز ەلىمنىڭ پاتريوتىمىن» تاقىرىبىنداعى ەسسە جازۋ بايقاۋىنا 5-10-سىنىپ وقۋشىلارى قاتىستى. بالالار ەڭ الدىمەن، ءوز وتانىن، ءوزى تۋىپ وسكەن ءۇيدى ءسۇيۋ كەرەكتىگى تۋرالى جازدى. ولار ءوز شىعارمالارىندا تۋعان جەرگە، ەلگە دەگەن قۇرمەتتى كورسەتە ءبىلدى. اتا- بابامىزدىڭ ەرلىگىن كەرەمەت سۋرەتتەپ جازدى. تاقىرىپ - وزەكتى. دەسەك تە، وقۋشىلار ءۇشىن بۇل قيىنعا سوققان جوق. سەبەبى، ەسسە جازۋدى ولار باستاۋىش سىنىپتاپ باستاپ بىلەدى. ودان بولەك، ءبىزدىڭ مەكتەپتە پاتريوتيزم تاقىرىبىنداعى سىنىپ ساعاتى ءجيى وتكىزىلەدى»، - دەدى الماگۇل جەكسەمبينا.
ەسسە جازۋ بايقاۋىنا بارلىعى 45 وقۋشى قاتىستى، ونىڭ ىشىندە 7 وقۋشى جۇلدەلى ورىندارعا يە بولدى. جەڭىمپازدار ماقتاۋ قاعازدارىمەن ماراپاتتالادى. قالعان وقۋشىلارعا بايقاۋعا قاتىسقانى ءۇشىن ارنايى سەرتيفيكات بەرىلەدى.