قازاقستاندىقتار جۇمىسپەن قامتۋ ورتالىعىنىڭ قىزمەتتەرىن ونلاين الا الادى
قازاقستاننىڭ بارلىق ءوڭىرىنىڭ تۇرعىندارى مامىر ايىنان باستاپ Enbek.kz پورتالى ارقىلى حالىقتى جۇمىسپەن قامتۋ ورتالىقتارىنىڭ قىزمەتتەرىن قاشىقتان الا الادى.
بۇدان بۇرىن حابارلانعانداي، 2020 -جىلعى 17-قاراشادا جۇمىسسىزداردى تىركەۋ راسىمدەرىن جەڭىلدەتۋ جانە جۇمىسپەن قامتۋ مەملەكەتتىك قىزمەتتەرىن الۋدى جەڭىلدەتۋ ءۇشىن ق ر ەڭبەك جانە حالىقتى الەۋمەتتىك قورعاۋ مينيسترلىگى رەسپۋبليكالىق ماڭىزى بار قالالار مەن وبلىس ورتالىقتارىنىڭ تۇرعىندارىنا ەلەكتروندىق ەڭبەك بيرجاسى ارقىلى ح ج ق و قىزمەتتەرىن قاشىقتان كورسەتۋ بويىنشا پيلوتتىق جوبانى ىسكە قوستى. وسى جىلدىڭ 5 قاڭتارىنان باستاپ رەسپۋبليكانىڭ 40 قالاسىنىڭ تۇرعىندارىنا، ال مامىردان باستاپ بارلىق قازاقستاندىقتارعا وسى مۇمكىندىك بەرىلدى. ە ە ب- تەگى «جەكە كابينەتتە» قازاقستاندىقتار جۇمىس ىزدەۋشى ادام نەمەسە جۇمىسسىز رەتىندە ەسەپكە تۇرا الادى جانە تىركەۋدىڭ بارلىق كەزەڭدەرىن قاداعالاي الادى.
جۇمىسسىز مارتەبەسىن العاننان كەيىن ازاماتتار (الەۋمەتتىك ساقتاندىرۋ جۇيەسىنە قاتىسۋشىلار) ونلاين رەجيمدە ە ە ب- دا جۇمىسىنان ايىرىلۋ بويىنشا الەۋمەتتىك تولەمگە ءوتىنىم جىبەرە الادى جانە مەملەكەت سۋبسيديالايتىن جۇمىس ورىندارىن - جاستار پراكتيكاسىن، الەۋمەتتىك جۇمىس ورىندارىن، قوعامدىق جۇمىستى ءوز بەتىنشە تاڭداي الادى.
جوعارىدا كورسەتىلگەن قىزمەتتەردى ونلاين رەجيمدە الۋ ءۇشىن ەلەكتروندىق تسيفرلىق قولتاڭبانى پايدالانا وتىرىپ، ە ە ب- دا تىركەۋدەن ءوتۋ قاجەت. جىل باسىنان بەرى قىزمەتتەردى قاشىقتىقتان الۋ مۇمكىندىگىن 34 مىڭنان استام ادام پايدالاندى. 30 مىڭ ازامات جۇمىسسىز مارتەبەسىن الدى.
«جۇمىس ىزدەپ، جۇمىسپەن قامتۋ ورتالىعىنا بارعىسى كەلەتىن ازاماتتارعا ۇيدەن شىعۋدىڭ قاجەتى جوق. مۇنىڭ ءبارىن بىرنەشە مينۋت ىشىندە Enbek.kz پورتالىندا جاساۋعا بولادى، ول ءۇشىن تەك ينتەرنەتى بار كومپيۋتەر مەن ەلەكتروندىق تسيفرلىق قولتاڭبا بولۋى كەرەك. قىزمەت تولىقتاي اۆتوماتتاندىرىلعان. بۇل دەگەنىمىز، ەگەر ءۇش جۇمىس كۇنى ىشىندە پورتالدا ادامعا لايىقتى جۇمىس تابىلماسا، وندا ەلەكتروندىق ەڭبەك بيرجاسى جۇمىسسىز رەتىندە تىركەۋدى اۆتوماتتى تۇردە جۇزەگە اسىرادى. وسىلايشا، ادامي فاكتور تولىعىمەن جويىلادى»، - دەيدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.
ينتەرنەت نەمەسە كومپيۋتەر بولماعان جاعدايدا، بارلىق جۇمىسپەن قامتۋ ورتالىقتارىندا قۇرىلعان وزىنە- ءوزى قىزمەت كورسەتۋ ايماقتارىندا ە ە ب ارقىلى قىزمەتتەردى الۋعا بولادى. ح ج ق و قىزمەتكەرلەرى ونلاين ۇسىنىلاتىن قىزمەتتەر بويىنشا قاجەتتى كەڭەستەر بەرەدى. بۇل ازاماتتارعا جۇمىسپەن قامتۋ ورتالىعىنىڭ مامانىنا قابىلداۋعا كەزەك كۇتپەۋگە جانە COVID-19 پاندەمياسى جاعدايىندا فيزيكالىق بايلانىستاردى ازايتۋعا مۇمكىندىك بەرەدى.
ونلاين قىزمەت كورسەتۋ تۋرالى تولىق اقپاراتتى enbek.kz سايتىندا جانە حالىقتى جۇمىسپەن قامتۋ ورتالىعىندا الۋعا بولادى. جۇمىس ىزدەپ جۇرگەن ادام رەتىندە ەلەكتروندى ەڭبەك بيرجاسىندا ونلاين تىركەلگىسى كەلگەندەر مىنا سىلتەمەدە ءتيىستى مالىمەتتى الا الادى.