ۆاكسينا سالعان قازاقستاندىقتار ءۇشىن قاي ەلدەر اشىق؟

نۇر-سۇلتان. قازاقپارات – الەمدە بىرتىندەپ كوروناۆيرۋسقا قارسى ەكپە سالدىرۋ ناۋقانى جاپپاي ءجۇرىپ جاتىر.

وسىعان وراي كوپتەگەن ەلدەر ەكپە سالدىرعان تۋريستەر ءۇشىن ءوز شەكارالارىن اشتى، ال تۋريستەر - ساياحاتتى جوسپارلاپ جاتىر. قازاقستاننان شىققان ەكپە سالدىرعان ساياحاتشىعا قاي ەلدەرگە بارۋىنا بولاتىنى تۋرالى Kaz.tengritravel.kz ماتەريالىندا تولىعىراق ايتىلادى.

ەۋروپانىڭ بىرنەشە ەلىندە سپۋتنيك V رەسەيلىك ۆاكسيناسىن مويىنداۋ تۋرالى سۇراقتار تۋىندادى. سونىمەن قاتار قازاقستاندىق ۆاكسينا قانشالىقتى مويىندالاتىنى دا بەلگىسىز. تومەندە ءبىز كورسەتكەن ەلدەر شەكارادان ءوتۋ ءۇشىن مىناداي ۆاكسينا سالدىرۋ كەرەك دەپ ناقتىلامايدى، الايدا ءوزىڭىز سەنىمدى بولۋ ءۇشىن سول ەلدىڭ ەلشىلىگىمەن نە تۋروپەراتورمەن كەڭەسكەنىڭىز ءجون.

مالديۆ ارالدارى تۋريستەردى بۇكىل الەمنەن تارتىپ جاتىر.

بۇل ەل شەتەلدىك تۋريستەر ءۇشىن شەكارالارىن اشقان العاشقى ەلدەردىڭ ءبىرى. ول ءۇشىن ۆاكسينانىڭ ەكىنشى دوزاسىن سول ەلگە بارماي تۇرىپ ەكى اپتا بۇرىن سالدىرعان بولۋ كەرەك. سونىمەن قاتار، ەكپە سالدىرعان تۋريستەر پ ت ر- تەست تاپسىرىپ اۋرە بولمايدى. مۇنداي ەرەجە 20-ساۋىردەن باستاپ كۇشىنە ەندى.

گرۋزيا ۆاكسيناتسيانىڭ ەكى كەزەڭىنەن وتكەن كەز كەلگەن ەلدىڭ ازاماتتارى ءۇشىن ءوز شەكاراسىن اشادى. ەكپە سالدىرعان ءتۋريستى بۇل ەلدە كارانتينگە جاتقىزبايدى، انتيدەنە بارى تۋرالى انىقتاما سۇرامايدى. ال 15-مامىردان باستاپ الماتىدان باتۋميگە تىكەلەي رەيس اشىلادى جانە اپتاسىنا ءۇش رەت (دۇيسەنبى، سارسەنبى جانە سەنبى) قاتىنايتىن بولادى. تبيليسيدەن الماتىعا رەيستەر ناۋرىز ايىنىڭ ورتاسىندا اشىلعان ەدى. اپتاسىنا ءۇش رەت قاتىنايدى - سەيسەنبى، جۇما جانە جەكسەنبى.

سونىمەن قاتار، قازاقستاننىڭ ءۇش قالاسىنان (اتىراۋ، اقتاۋ جانە نۇر-سۇلتان) كۋتايسيگە اپتاسىنا ەكى رەت رەيس بار.

شري- لانكا ۆاكسيناتسيالانعان تۋريستەردى 19-ناۋرىزدان باستاپ كارانتينسىز قابىلدايدى. شري- لانكا تۋريزمدى دامىتۋ باسقارماسىنىڭ ماماندارىنىڭ ايتۋىنشا، ەكپە سالدىرعان تۋريستەر كەلگەننەن كەيىن 24 ساعات ىشىندە جاسالعان تەست تەرىس ناتيجە كورسەتكەن جاعدايدا 14 كۇندىك كارانتيننەن بوساتىلادى.

«اعىلشىن تىلىنە كۋالاندىرىلعان اۋدارماسى بار ۆاكسيناتسيا تۋرالى كۋالىكتىڭ ءتۇپنۇسقاسى تۋريستەر كەلگەن كەزدە اۋەجايدا ۇسىنىلۋى كەرەك. كەلگەننەن كەيىن ولار زەرتحاناعا ارنايى ۇيىمداستىرىلعان كولىكپەن جەتكىزىلەدى. ناتيجە دايىن بولعاننان كەيىن (جانە تەرىس بولعاندا)، شەتەلدىكتەر قوناقۇيگە بارا الادى»، - دەدى شري- لانكا تۋريزم باسقارماسى.

مەديتسينالىق ورتالىقتان ساياحاتشىلار ءوز جولىمەن بارادى. جەتى كۇننەن سوڭ ولار اقىلى تەست تاپسىرۋى قاجەت.

سەيشەل ارالدارى دا كوروناۆيرۋسقا قارسى ۆاكسينا تۋرالى كۋالىكتەرى بار تۋريستەردى قابىلدايدى. 25-ناۋرىزدان باستاپ سەيشەل ارالدارى پ ت ر- تەستى بار بارلىق تۋريسكە شەكاراسىن اشتى. جاقىندا Air Seychelles دۋباي حالىقارالىق اۋەجايىنان (DWC) سەيشەل ارالدارىنا اپتا سايىن تىكەلەي رەيستەر قاتىناي باستادى. ياعني قازاقستاندىقتار ارالدارعا دۋباي ارقىلى ۇشىپ بارا الادى.

پراسلەن ارالىنىڭ جاعاجايى، سەيشەل ارالدارى.

چەرنوگوريا رەسپۋبليكاسىنا كەلگەنگە دەيىن كەمىندە جەتى كۇن بۇرىن ۋاكىلەتتى دەنساۋلىق ساقتاۋ مەكەمەسى بەرگەن ۆاكسيناتسيا تۋرالى سەرتيفيكاتپەن كەلۋگە بولادى. ق ر س ءى م حابارلاعانداي، 2021 -جىلعى 31-قازانعا دەيىن بۇل ەلمەن ءبىرجاقتى تارتىپتە قازاقستاننان كەلگەن تۋريستەر ءۇشىن 30 تاۋلىككە دەيىن ۆيزاسىز رەجيم ارەكەت ەتەدى. ازاماتتارعا كىرۋ كەزىندە تەرىس ناتيجەمەن پ ت ر- تەست تاپسىرعانى تۋرالى انىقتاما (تالداۋ الىنعان ساتتەن باستاپ رەيستىڭ كەستە بويىنشا ۇشىپ كەلۋ ۋاقىتىنا دەيىن 72 ساعاتتان ارتىق وتپەۋى ءتيىس) ۇسىنۋعا بولادى.

ءبىراق ءبارى دە وڭاي ەمەس

قازاقستان رەسپۋبليكاسىنىڭ سىرتقى ىستەر مينيسترلىگى، ءوز كەزەگىندە، بۇگىنگى كۇنى ۆاكسيناتسيا پاسپورتى قازاقستاندىقتارعا شەت ەلدەرگە شەكتەۋسىز كىرۋگە كەپىلدىك بەرەتىن قۇجات ەمەس دەپ ءتۇسىندىردى.

«ۆاكسيناتسيا پاسپورتى قازاقستان كوروناۆيرۋس بويىنشا قىزىل تىزىمدە تۇرعان ەلدەرگە كىرۋگە رۇقسات بەرەتىن قۇجات بولىپ ەسەپتەلمەيدى. ب ا ق- تا ۆاكسينا سالدىرعان ەلدەر ءۇشىن شەكارا اشىلعانى تۋرالى اقپارات بار، ءبىراق رەسمي دەڭگەيدە مۇنداي ەرەجە قابىلدانعان جوق.

شەتەلدەگى قازاقستاندىق ەلشىلىكتەردىڭ اقپاراتى بويىنشا، ق ر ازاماتتارى ءۇشىن قازىرگى ۋاقىتتا مىنا ەلدەرگە: اۆستريا، بەلگيا، ليۋكسەمبۋرگ، بولگاريا، گرەكيا، دانيا، لاتۆيا، ۆەنگريا، نورۆەگيا، پورتۋگاليا، سلوۆاكيا، حورۆاتيا، شۆەتسيا، ەستونيا، ازەربايجان، تاجىكستان، تۇرىكمەنستان، ۆەتنام، گونكونگ (ق ح ر)، جاڭا زەلانديا، جاپونيا، يندونەزيا، ق ح ر، مالايزيا، موڭعوليا، سينگاپۋر، تايلاند، ءۇندىستان، فيليپپين، يزرايل، كاتار، ومان، ساۋد ارابياسى، سيرياعا كىرە المايدى»، - دەپ جاۋاپ بەردى ق ر س ءى م وكىلدەرى.

ماسەلەن، ب ا ق مامىردىڭ سوڭىندا يزرايل ۆاكسينا سالدىرعان جانە COVID-19 جۇقتىرىپ، اۋرۋدان جازىلعان تۋريستەرىن قابىلداي باستايدى دەپ حابارلادى. الايدا قازاقستاندىقتار بۇل ەلگە ۆيزاسىز بارا المايدى، ال ەلشىلىك ۆيزا بەرۋ قۇجاتتارىن قابىلدامايدى، ويتكەنى قازاقستان قازىر كوروناۆيرۋس بويىنشا قىزىل تىزىمدە.

ە و ەلدەرى تۋرالى ايتساق، ب ا ق- تاعى اقپاراتقا سايكەس، ەۋروپالىق وداق COVID-19 ۆاكسيناتسياسىنىڭ بولۋىنا قاراماستان، قازىر شەتەل ازاماتتارىنىڭ كىرۋىنە شەكتەۋلەردى وزگەرتۋدى جوسپارلاپ وتىرعان جوق. سونىمەن بىرگە، ە و تەك مەديتسينالىق ماقساتتاردا پايدالانۋ ءۇشىن ءبىرىڭعاي كوروناۆيرۋس ۆاكسينالاۋ سەرتيفيكاتىن ەنگىزۋ جوسپارىن قاراستىرۋدا.

سونداي-اق، قازاقستان س ءى م وكىلدەرى پاندەميا كەزىندە مەملەكەتتىك شەكارادان ءوتۋ بويىنشا شەكتەۋلەر ەنگىزىلۋىنە بايلانىستى ق ر- داعى شەتەلدىك ەلشىلىكتەرگە كىرۋ ەرەجەلەرىمەن جانە ۆيزا بەرۋ تارتىبىمەن الدىن الا تانىسۋعا كەڭەس بەردى.