مەملەكەت باسشىسىنىڭ قاشىقتان وقۋعا قاتىستى تاپسىرمالارى ورىندالدى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆتىڭ باسپا ءسوز حاتشىسى بەرىك ءۋالي مەملەكەت باسشىسىنىڭ قاشىقتان وقۋعا قاتىستى ءبىرقاتار تاپسىرماسى ورىندالعانىن مالىمدەدى، دەپ حابارلايدى قازاقپارات ءتىلشىسى.

«مەملەكەت باسشىسى «قاشىقتان وقۋ جۇيەسىنە كوشكەن كەزدەگى ەڭ ماڭىزدى قۇرالدىڭ ءبىرى - ەلەكتروندى وقۋلىقتار بولماق. ءبىلىم جانە عىلىم مينيسترلىگى وقۋلىقتاردى ۆەدومستۆونىڭ اقىسىز قۇقىقتارىن بەكىتىپ بەرە وتىرىپ، ولاردى كەزەڭ-كەزەڭىمەن سيفرلىق فورماتقا كوشىرۋ جوسپارىن ازىرلەۋگە ءتيىس» دەگەن بولاتىن. وتاندىق باسپالار مەن وقۋلىقتاردىڭ ەلەكتروندى نۇسقالارىن اقىسىز پايدالانۋ ماسەلەسى كەلىسىلدى»، - دەپ جازدى بەرىك ءۋالي Facebook پاراقشاسىنا.

ونىڭ ايتۋىنشا، 1-11-سىنىپتارعا ارنالعان بارلىق ەلەكتروندى وقۋلىقتار ءبىلىم جانە عىلىم مينيسترلىگىنىڭ سايتىندا جاريالاندى.

«تەحنيكالىق جانە كاسىپتىك ءبىلىم بەرۋ جۇيەسىندە كولدەدجدەردىڭ %100 ى وتىزدان استام پلاتفورماعا قول جەتكىزە الادى. 21000 نان استام سيفرلىق رەسۋرستاردى قامتيتىن كاتالوگ قۇرىلدى. 12368 بەينەساباق، 3848 ەلەكتروندى وقۋلىق، 5771 قوسىمشا ماتەريال، 30368 ۇستاز IT قۇزىرەتى بويىنشا بىلىكتىلىگىن ارتتىردى. قاشىقتان وقۋ پلاتفورمالاريا مەن باعدارلامالارىن پايدالانا وتىرىپ 20-دان استام نۇسقاۋلىق ازىرلەندى»، - دەيدى ول.

اۆتور: زارينا قاھارمان