شىعىس قازاقستان وبلىسىندا توتەنشە جاعداي رەجيمى ەنگىزىلەدى

None
None
نۇر-سۇلتان. قازاقپارات - شىعىس قازاقستان وبلىسىندا توتەنشە جاعداي رەجيمى ەنگىزىلەدى. توتەنشە جاعدايلار مينيسترلىگىنىڭ رەسمي وكىلى تالعات ءۋالي وسىلاي مالىمدەدى، دەپ حابارلايدى قازاقپارات ءتىلشىسى

«ءيا، بۇگىن شىعىس قازاقستان وبلىسىنىڭ اكىمدىگى ريددەر قالاسىنىڭ اۋدانىندا قالالىق اۋقىمداعى ت ج جاريالايدى»، - دەدپ جاۋاپ بەردى تالعات ءۋالي جۋرناليستەردىڭ ساۋالىنا.

ول سونداي-اق ريددەردە ءورت تولىعىمەن اۋىزدىقتالعانىن حابارلادى.

«قازىر ورماننىڭ جەكەلەگەن ۋچاسكەلەرىن ءسوندىرۋ ءجۇرىپ جاتىر. كەشكە قاراي ماماندار بارلىق جۇمىلدىرىلعان كۇشتىڭ كومەگىمەن ءورتتى تولىعىمەن سوندىرەدى»، - دەدى مينيسترلىكتىڭ رەسمي وكىلى.

ەسكە سالساق، كەشە ريددەردە اۋقىمدى ءورت بولىپ سالدارىنان ەكى ادام اۋرۋحاناعا ءتۇسىپ، 73 جاستاعى ايەل ادام كوز جۇمدى. سوڭعى دەرەك بويىنشا 283 گەكتار اۋماق وتقا ورانعان. پرەزيدەنت قاسىم- جومارت توقايەۆ ريددەردەگى تۇرعىن ۇيلەردى قامتىعان ءىرى ورمان ورتىنە نازار اۋدارىپ، جاۋاپتى ورىندارعا زارداپ شەككەندەرگە دەر كەزىندە كومەك كورسەتۋ تۋرالى تاپسىرما بەردى.

اۆتور: ەسىمجان ناقتىباي


سوڭعى جاڭالىقتار