+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ش ق و-داعى الاپات ورتكە قاتىستى كۇدىكتى ۇستالدى

11 مامىر 12:01
:ءبولىسۋ
ش ق و-داعى الاپات ورتكە قاتىستى كۇدىكتى ۇستالدى

وسكەمەن. قازاقپارات - شىعىس قازاقستان وبلىسىنىڭ پوليتسيا قىزمەتكەرلەرى الاپات ورتكە قاتىستى كۇدىكتىنى ۇستادى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كەشە ريددەر ورمان شارۋاشىلىعىندا شىققان ءتىلسىز جاۋمەن كۇرەسۋگە 300 دەن استام پوليتسەي جۇمىلدىرىلعان.

«ق ر ىشكى ىستەر ءمينيسترى ەرلان تۇرعىمبايەۆتىڭ بۇيرىعى بويىنشا ءوڭىردىڭ ءتارتىپ ساقشىلارى وقيعا ورنىندا تاۋلىك بويى كەزەكشىلىك ۇيىمداستىرىپ، حالىققا كومەك كورسەتىپ جاتىر. قۇتقارۋشىلارمەن بىرگە قىزىل جالىندى اۋىزدىقتاۋعا كىرىسىپ، لەسحوز كەنتىنىڭ تۇرعىندارىن ەۆاكۋاتسيالاۋدا»، - دەلىنگەن حابارلامادا.

ريددەر قالالىق پوليتسيا ءبولىمىنىڭ جەكە قۇرامى تۇگەلدەي كۇشەيتىلگەن جۇمىس رەجيمىنە كوشكەن. سونداي-اق ءورت وشاقتارىندا 40 قا جۋىق ارنايى تەحنيكا جۇمىس ىستەۋدە.

«قازىرگى ۋاقىتتا اتالعان ءورت فاكتىسى بويىنشا كۇدىكتى ۇستالدى. قازاقستان رەسپۋبليكاسى قىلمىستىق كودەكسىنىڭ 204-بابى 2-بولىگىنە سايكەس تەرگەۋ امالدارى جۇرگىزىلۋدە»، - دەلىنگەن اقپاراتتا.

ەستەرىڭىزگە سالا كەتسەك، 10-مامىر كۇنى ش ق و- داعى ريددەر ورمان شارۋاشىلىعىندا ءورت شىقتى. دالا ءورتى 310 گەكتار اۋماقتى شارپىپ، 1 ادام قازا تاپتى. ورتكە بايلانىستى شۇعىل جەلى ىسكە قوسىلدى. مەملەكەت باسشىسى ۇكىمەت پەن شىعىس قازاقستان وبلىسىنىڭ اكىمدىگى ورتتەن زارداپ شەككەن لەسحوز كەنتىنىڭ تۇرعىندارىنا كومەك كورسەتىپ، باسپانامەن قامتاماسىز ەتۋدى تاپسىردى.



اۆتور: تالعاتجان مۇحامەتبەك ۇلى



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات