+7 (701) 759 90 19
17 °С : نۇر-سۇلتان
22 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

لەنينگراد وبلىسىندا قازاقستاندىق جاۋىنگەردىڭ سۇيەگى قايتا جەرلەندى

9 مامىر 10:29
:ءبولىسۋ
لەنينگراد وبلىسىندا قازاقستاندىق جاۋىنگەردىڭ سۇيەگى قايتا جەرلەندى

نۇر-سۇلتان. قازاقپارات - جەڭىس كۇنى مەرەكەسى قارساڭىندا، لەنينگراد وبلىسى، توسنو اۋدانىنىڭ ليۋبان قالاسىندا 15 كەڭەس جاۋىنگەرىنىڭ سۇيەكتەرىن قايتا جەرلەۋ ءراسىمى ءوتتى.

ولار 2020-جىلدىڭ جەلتوقسانىندا م-10 «روسسيا» فەدەرالدى تاس جولىن جوندەۋ كەزىندە تابىلعان بولاتىن، دەپ حابارلايدى قازاقپارات قازاقستاننىڭ رەسەيدەگى ەلشىلىگىنىڭ رەسمي سايتىنا سىلتەمە جاساپ.

ساراپشىلاردىڭ ايتۋىنشا، قالدىقتار جەكە اۆتومات باتالونىنىڭ جانە 1-جەكە اتقىشتار بريگاداسىنىڭ، 2-جەكە اتقىشتار باتالونىنىڭ ساربازدارىنا تيەسىلى.

ولار 1944-جىلدىڭ قىسىندا نوۆگورود-لۋگا شابۋىل وپەراتسياسى كەزىندە ليۋباندى ازات ەتۋ شايقاسىندا قازا تاپتى. ساقتالعان سولدات مەدالونىنىڭ ارقاسىندا ولاردىڭ بىرەۋىنىڭ كىم ەكەنىن انىقتاۋعا مۇمكىندىك تۋدى.

ول 1912-جىلى سەمەي وبلىسىندا تۋعان، 1942-جىلى مايدانعا شاقىرىلىپ، 1944-جىلدان بەرى حابارسىز كەتكەن اقان ماحاتايەۆ بولىپ شىقتى.

ەلشىلىكتىڭ اقپاراتتىق جانە ۇيىمداستىرۋشىلىق كومەگىمەن قازاقستاندىق ساربازدىڭ تۋىستارى تابىلىپ، ولار ليۋبانداعى ەسكە الۋ راسىمىنە قاتىستى.

ونىڭ ۇلى ابجان احانوۆ، نەمەرەسى سەرىكجان ءابجانوۆ جۇبايىمەن جانە ۇلىمەن ازا تۇتۋ كەزىندە جاۋىنگەردىڭ تۋعان جەرى سەمەيدەن اكەلگەن ءبىر ۋىس توپىراقتى سالدى.

«بۇل تاريح. ءبىز ءوز وتباسىمىزدىڭ تاريحىن ءبىلۋىمىز كەرەك. وسى جىلدار ىشىندە ءبىز ىزدەۋدى توقتاتپاي، اقىرى تاپتىق»، - دەدى سەرىجان ءابجانوۆ.

جاقىن ارادا قىزىل ارميا جاۋىنگەرلەرىن تاۋىپ، قايتا جەرلەگەن جەرگە ەسكەرتكىش بەلگى ورناتۋ جوسپارلانىپ وتىر.

ءىس-شاراعا قازاقستاندىق ديپلوماتتار، لەنينگراد وبلىسى توسنەن اۋدانىنداعى ليۋبان قالاسىنىڭ باسشىلىعى، ۇ و س ارداگەرلەرى، تىل ەڭبەككەرلەرى، ىزدەۋ بولىمشەلەرىنىڭ ساربازدارى جانە قالا تۇرعىندارى قاتىستى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات