+7 (701) 759 90 19
10 °С : نۇر-سۇلتان
18 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

اتى اڭىزعا اينالعان ۇشقىش تالعات بيگەلدينوۆكە ەسكەرتكىش ورناتىلدى

8 مامىر 16:05
:ءبولىسۋ
اتى اڭىزعا اينالعان ۇشقىش تالعات بيگەلدينوۆكە ەسكەرتكىش ورناتىلدى

نۇر-سۇلتان. قازاقپارات - قورعانىس ءمينيسترى گەنەرال-لەيتەنانت نۇرلان ەرمەكبايەۆ ەكىنشى دۇنيەجۇزىلىك سوعىستىڭ ارداگەرى، ەكى مارتە كەڭەس وداعىنىڭ باتىرى، اۆياتسيا گەنەرال-مايورى تالعات بيگەلدينوۆكە ارنالعان ەسكەرتكىشتىڭ اشىلۋ راسىمىنە قاتىستى، دەپ حابارلايدى ق ر ق م باسپا ءسوز قىزمەتى.

اتالعان ەسكەرتكىش ۇلى وتان سوعىسىنداعى جەڭىستىڭ 76 جىلدىعىن مەرەكەلەۋ قارساڭىندا نۇر-سۇلتان قالاسى سارىارقا داڭعىلىنىڭ بويىندا اشىلدى.

سالتاناتتى شاراعا تالعات بيگەلدينوۆتىڭ قىزدارى گالينا مەن رايحان، ەلوردا اكىمى التاي كولگىنوۆ، پارلامەنت ءماجىلىسىنىڭ دەپۋتاتى باقىتبەك سماعۇل، قارۋلى كۇشتەردىڭ ارداگەرلەرى، قوعام قايراتكەرلەرى، «جاس سارباز» بالالار-جاس وسپىرىمدەر قوزعالىسىنىڭ وكىلدەرى مەن اسكەري قىزمەتشىلەر قاتىستى.

- تالعات جاقىپبەك ۇلى بيگەلدينوۆتىڭ بۇكىل سانالى عۇمىرى - ەرەن ەرلىك پەن باتىلدىقتىڭ، كاسىبي شەبەرلىك پەن وتانعا ادالدىقتىڭ ۇلگىسى. سوعىس جىلدارى ول ي ل-2 شابۋىلداۋشى ۇشاعىمەن 305 رەت ۇشتى.

وسى 500 ساعاتتىق ۇشۋ كەزىندە ۇشقىش ەڭ جاۋاپتى تاپسىرمالاردى بۇلجىتپاي ورىندادى. باتىلدىعى مەن ەرلىگى ءۇشىن لەنين، قىزىل تۋ، الەكساندر نيەۆسكي، قىزىل جۇلدىز، III دارەجەلى داڭق، I جانە II دارەجەلى وتان سوعىسى وردەندەرىمەن ماراپاتتالدى، ەكى رەت كەڭەس وداعىنىڭ باتىرى اتاعىنا لايىق دەپ تانىلدى، - دەدى قورعانىس ءمينيسترى.

ەلوردادا ايگىلى ۇشقىشقا ەسكەرتكىشتىڭ اشىلۋى الاپات مايداندا ەرلىكپەن شايقاسىپ، تىلدا جەڭىستى جاقىنداتقان ارداگەرلەرگە قۇرمەت كورسەتىپ، ولاردىڭ ەرلىك جولىن ماڭگى ەستە ساقتايتىن ۇرپاق ساباقتاستىعىن كورسەتەدى.

جەڭىس جولىندا ءوز ءومىرىن قاۋىپ-قاتەرگە تىگىپ، سۇراپىل سوعىستىڭ الاپات مايدانىنان وتكەن تالعات بيگەلدينوۆتىڭ ەرلىكتەرى ەل تاريحىنا ماڭگى ساقتالادى. سوعىستان كەيىنگى جىلدارى ول اسكەري جانە ازاماتتىق اۆياتسيادا جۇمىس ىستەدى، قوعامدىق قىزمەتپەن اينالىستى. تاۋەلسىزدىك جىلدارى قازاقستان قارۋلى كۇشتەرىنىڭ قالىپتاسۋى مەن دامۋى جولىندا، جاستاردى اسكەري- پاتريوتتىق تاربيەلەۋ ماقساتىندا بەلسەندى جۇمىس جۇرگىزدى بۇگىندە اۋە قورعانىسى كۇشتەرىنىڭ اسكەري ينستيتۋتى مەن قاراعاندى «جاس ۇلان» رەسپۋبليكالىق مەكتەبى باتىر ۇشقىشتىڭ بەرىلگەنىن ماقتان ەتەدى.

اتالعان وقۋ ورىندارىنىڭ اۋماعىندا اتى اڭىزعا اينالعان باتىرعا ەسكەرتكىشتەر ورناتىلعان. كۋرسانتتار مەن ۇلاندار باتىردىڭ عۇمىرى مەن جاۋىنگەرلىك جولىن ۇلگى ەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات