گەننادي گولوۆكين ءوز ەركىمەن چەمپيوندىق اتاعىن قورعاماق

None
None
نۇر-سۇلتان. قازاقپارات - IBF بويىنشا الەم چەمپيونى قازاقستاندىق گەننادي گولوۆكين (41-1-1، ك و) WBA سۋپەرچەمپيونى جاپوندىق ريوتا مۋراتامەن (16-2، 13 ك و) جەلتوقسانداعى بىرلەسكەن جەكپە-جەكتەن باس تارتپايدى.

ءبىراق الدىمەن ءوز ەركىمەن چەمپيوندىق اتاعىن قورعاماق، دەپ حابارلايدى قازاقپارات Sports.kz سايتىنا سىلتەمە جاساپ.

Uol.com برازيليالىق سايتىنىڭ دەرەگىنە ساي، بوكسشى 2012-جىلعى وليمپيادا جۇلدەگەرى كاسىبي الاڭدا جەڭىلىپ كورمەگەن IBF رەيتينگىسىندە 5- ءنومىر سانالاتىن برازيليالىق ەسكيۆا فالكاومەن (28-0، 20 ك و) ايقاسپاق.

رەسۋرستىڭ مالىمەتىنشە، جەكپە-جەك تامىز ايىنا جوسپارلانىپ وتىر، دەگەنمەن ناقتى كۇنى بەلگىسىز.

فالكاو پروموۋتەر بوب ارۋممەن (Top Rank)، گولوۆكين ەددي حيرنمەن (Matchroom Boxing) جۇمىس ىستەيدى.

برازيليالىق ESPN تەلەارناسىندا، ال قازاقستاندىق بوكسشى DAZN ستريمينگىندە ونەر كورسەتەدى.

بۇدان بۇرىن ەكى پروموۋتەر بىرگە جۇمىس ىستەگەن، بوكسشىلار اۋىستىرعان. ارۋمنىڭ فالكاونى جىبەرۋى مۇمكىن، سەبەبى بوكسشى كومپانيانىڭ مىقتى ويىنشىسى سانالمايدى، ول جەڭگەن جاعدايدا (سونىمەن قاتار جاي عانا جاقسى ونەر كورسەتكەن جاعدايدا) ونىڭ نارىقتاعى باعاسى ءبىرتالاي وسەدى.

اۋەسقوي الاڭدا فالكاو مۋراتامەن ەكى رەت ايقاسقان، ەكى جەكپە-جەكتە دە، سونىڭ ىشىندە 2012-جىلعى وليمپيادا ويىندارىنىڭ فينالىندا دا جەڭىلىس تاپقان.

ەسكە سالا كەتەيىك، گەننادي گولوۆكين شىنىمەن وسى جىلدىڭ اياعىنا جاپوندىق ريوتا مۋراتامەن مەگاايقاس جوسپارلاپ وتىر.

سوڭعى جاڭالىقتار