+7 (701) 759 90 19
17 °С : نۇر-سۇلتان
19 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ەلوردادا ماساعا قارسى ۋ شاشۋ جۇمىستارى قالاي جۇرگىزىلەدى

8 مامىر 13:13
:ءبولىسۋ
ەلوردادا ماساعا قارسى ۋ شاشۋ جۇمىستارى قالاي جۇرگىزىلەدى

نۇر-سۇلتان. قازاقپارات - ەلوردادا دەزينسەكتسيالىق جۇمىستار التى كەزەڭمەن جۇرگىزىلەدى، ونىڭ بارىسىندا 100 دەن استام تۇراقتى جانە 90 ۋاقىتشا قالىپتاسقان سۋ ايدىنى، سونداي-اق اشىق اۋماقتار وڭدەلەدى، دەپ حابارلايدى قالا اكىمدىگىنىڭ رەسمي سايتى.

جۇمىسقا ەپيدەميولوگتار، بيولوگتار، ەنتومولوگتار قاتارىنان جەدەل شتاب قۇرىلدى. جىل سايىن ەنتومولوگيالىق مونيتورينگ جۇرگىزۋ جانە كەزەڭ بويىنشا جۇمىستار جۇرگىزۋ كەستەلەرى جاسالادى.

ماۋسىم بويى شىبىن-شىركەي جۇمىستارى التى كەزەڭ بويى جۇرگىزىلەدى.

ءاربىر كەزەڭ بارىسىندا جالپى اۋدانى 6 مىڭ شارشى مەتردەن استام 111 تىركەلگەن (تۇراقتى) سۋ ايدىنى جانە 90 ۋاقىتشا پايدا بولاتىن تاياز سۋ ايدىنى، سونداي-اق اۋدانى 200 مىڭ شارشى مەتردەن اساتىن اشىق اۋماقتار وڭدەلەدى.

سونىمەن قاتار قاراۋسىز قالعان جانە ەسكى ۇيلەردىڭ جەرتولەلەرىن وڭدەۋ تۇراقتى نەگىزدە جۇرگىزىلەدى.

ەستەرىڭىزگە سالا كەتەيىك، بيىل 12- ساۋىردەن باستاپ ماماندار تاياز سۋ قويمالارىندا ماسالاردىڭ دەرناسىلدەرىنە تەكسەرۋ جۇرگىزدى. وسىدان كەيىن اۋا-رايىنىڭ جىلىنۋىمەن، ياعني وتكەن ايدىڭ سوڭىندا شىبىن-شىركەيلەردىڭ الدىن الۋ ءۇشىن قالاداعى سۋ قويمالارىنىڭ بارىندە وڭدەۋدىڭ العاشقى كەزەڭىن باستادى.

سونداي-اق، قالا سىرتىنا ماسالار مەن شىركەيلەردى ىعىستىرا وتىرىپ، اشىق ستانتسيالاردا - ساياباقتاردا، گۇلزارلاردا، تۇرعىن ءۇي الاپتارىىندا دەزينسەكتسيالىق جۇمىستار جۇرگىزىلدى.

بۇگىندە ەسىل وزەنىنىڭ جاعالاۋى، استانالىق ساياباق، «بايتەرەك» مونۋمەنتىنىڭ الدىنداعى الاڭ، ترياتلون پاركى، پرەزيدەنتتىك ساياباق، عاشىقتار ساياباعى، بوتانيكالىق باق، اۋلاىشىلىك اۋماقتار سەكىلدى ورىندار وڭدەلدى.

قالا تۇرعىندارى مەن قوناقتارىنا دەزينسەكتسيالىق جۇمىستار كەزىندەگى ساقتىق شارالارى حابارلاناتىن بولادى: دەزينسەكتسيا جۇرگىزىلەتىن ورىنداردا، دەزينفەكتورلاردىڭ جۇمىسى كەزىندە ءۇيدىڭ جانىندا بولۋعا بولمايدى، ال تەرەزەلەر جابىق بولۋى ءتيىس.

مامانداردىڭ ايتۋىنشا، ماسالار تابيعي ەكوجۇيەنىڭ اجىراماس بولىگى بولعاندىقتان، دەزينسەكتسيالىق شارالار ولاردىڭ سانىن ازايتۋعا عانا باعىتتالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات