بەلارۋس كوروناۆيرۋسقا قارسى ءوز ۆاكسيناسىن جاساپ شىعاردى

None
None
نۇر-سۇلتان. بەلتا-قازاقپارات - بەلارۋس پرەزيدەنتى الەكساندر لۋكاشەنكو جۋرناليستەردىڭ سۇراعىنا جاۋاپ بەرگەن كەزدە ەلدە كوروناۆيرۋسقا قارسى ۆاكسينا شىعارىلعانىن ايتتى.

بۇل تۋرالى قازاقپارات بەلتا اقپارات اگەنتتىگىنە سىلتەمە جاساپ حابارلايدى.

مەملەكەت باسشىسى بەلارۋستىڭ ءوز ۆاكسيناسىن شىعارۋ نيەتى تۋرالى مالىمدەگەن كەزدە بۇل باستامانى سىناعاندار بولعانىن ەسكە سالدى.

«كەشە ءبىز بەلارۋس ۆاكسيناسىن تۇتىككە سالدىق. بۇل قازىرگى ساتىپ الىپ جۇرگەن ۆاكسيناعا قاراعاندا جاقسى، ءارى وزگەشە. دارىگەرلەر ايتقانداي، بۇل - ءتىرى ۆاكسينا»، - دەدى بەلارۋس پرەزيدەنتى.

ول بۇل ۆيرۋس وزگەرىسكە ۇشىراعاندا قالاي بولاتىنىن كورۋ كەرەكتىگىن، اسىعىستىق جوق ەكەنىن ايتتى.

الەكساندر لۋكاشەنكو قازىرگى ۆاكسينالاردا بولاشاقتا ۆيرۋستىڭ جاڭا مۋتاتسيالارىنا قارسى كومەگى زور ەكەنىنە كەپىلدىك جوقتىعىنا نازار اۋداردى.

«قازىرگى ۋاقىتتا ەلىمىزدە قولدانىلىپ جاتقان ۆاكسينالار بار. ءبىز رەسەيلىك تەحنولوگيامەن جاسالعان قىتاي ۆاكسيناسىن ساتىپ الدىق. ال ەرتەڭ تۇتىكتە تۇرعان ۆاكسينامىزدى وزىمىزدە بولاتىن شتامعا بەيىمدەيمىز. قالاي بولاتىنىن ۋاقىت كورسەتەدى»، - دەيدى ول.

سوڭعى جاڭالىقتار