استانادا جاقسىلىق ۇشكەمپىروۆتى ەسكە الۋعا ارنالعان تۋرنير ءوتىپ جاتىر

None
None
نۇر-سۇلتان. قازاقپارات - ەلوردادا جاقسىلىق ۇشكەمپىروۆتى ەسكە الۋعا ارنالعان حالىقارالىق تۋرنير ءوتىپ جاتىر، دەپ حابارلايدى قازاقپارات.

بۇل جايىندا پرەزيدەنتتىڭ باسپا ءسوز حاتشىسى بەرىك ءۋالي حابارلادى.

«بۇگىن گرەك-ريم كۇرەسىنەن تۇڭعىش قازاق وليمپيادا جانە الەم چەمپيونى، قازاقستاننىڭ ەڭبەك ەرى جاقسىلىق ۇشكەمپىروۆكە ارنالعان حالىقارالىق تۋرنير باستالدى» دەپ جازدى بەرىك ءۋالي Facebook پاراقشاسىندا.

ەسكە سالا كەتەيىك، ءبىز بۇعان دەيىن 7-9- مامىر كۇندەرى گرەك-ريم كۇرەسىنەن قازاقتان شىققان تۇڭعىش وليمپيادا چەمپيونى، ەڭبەك ەرى جاقسىلىق ۇشكەمپىروۆتى ەسكە الۋعا ارنالعان حالىقارلىق تۋرنير وتەتىنىن حابارلاعان بولاتىنبىز.

2001-2003-جىلى تۋعان جاس وسپىرىمدەر اراسىندا وتەتىن تۋرنيردە بالۋاندار 55، 60، 63، 67، 72، 77، 82، 97، 130 كەلى سالماق دارەجەلەرىندە باق سىنايدى.


بايراقتى باسەكەگە قازاقستان، رەسەي، گرۋزيا، ۋكراينا، تاجىكستان، قىرعىزستان جانە وزبەكستان ەلدەرىنەن 250 دەن اسا سپورتشى قاتىسادى.

جارىس جەڭىمپازدارى مەن جۇلدەگەرلەرى ديپلوم، مەدالدارمەن ماراپاتتالادى.

ەلدەگى كارانتين تالاپتارىنا سايكەس حالىقارالىق تۋرنير جانكۇيەرسىز وتەدى. كورەرمەندەر جارىستى Qazsport ارناسىنان تىكەلەي ەفيردە تاماشالاي الادى.

سوڭعى جاڭالىقتار