مالديۆتەگى جارىلىس: ەكس-پرەزيدەنت جارالاندى

None
None
نۇر-سۇلتان. قازاقپارات - مالديۆ ارالدارىندا ەلدىڭ ەكس-پرەزيدەنتى، قازىرگى پارلامەنت ءتوراعاسى موحامەد ناشيد رەسپۋبليكا استاناسىندا بولعان جارىلىس سالدارىنان جاراقات الدى، دەپ حابارلايدى قازاقپارات Euronews اگەنتتىگىنە سىلتەمە جاساپ.

قۇرىلعى ونىڭ ءۇيىنىڭ جانىندا جارىلعان. ناشيد - دەموكراتيالىق جولمەن سايلانعان العاشقى پرەزيدەنت سانالادى. ول ەلدى 2008-2012-جىلدار ارالىعىندا باسقاردى.

دارىگەرلەردىڭ ايتۋىنشا، ونىڭ ومىرىنە قاۋىپ ءتونىپ تۇرعان جوق.

قازىرگى مەملەكەت باسشىسى بۇل شابۋىلدى «رەسپۋبليكانىڭ دەموكراتياسى مەن ەكونوميكاسىنا جاسالعان ارەكەت» دەپ اتادى.

ول تەرگەۋگە اۆستراليانىڭ پوليتسيا قىزمەتكەرلەرى قاتىساتىنىن مالىمدەدى. ەل بيلىگى بۇل جاعدايدىڭ ورشۋىنە سوڭعى جىلدارى بەلسەندى بولا باستاعان ءدىني ەكسترەميستەر كىنالى دەپ وتىر.

مالديۆ ارالدارىنىڭ كوپتەگەن تۇرعىندارى يراك پەن سيرياداعى سودىرلار جاعىندا سوعىسۋعا اتتاندى.

سوڭعى جاڭالىقتار