+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

نۇرلان ەرمەكبايەۆ: ءبىزدىڭ ورتاق مىندەتىمىز - ەل تىنىشتىعىن ساقتاپ، بولاشاق ۇرپاققا بەيبىت ءومىر سىيلاۋ

7 مامىر 12:02
:ءبولىسۋ
نۇرلان ەرمەكبايەۆ: ءبىزدىڭ ورتاق مىندەتىمىز - ەل تىنىشتىعىن ساقتاپ، بولاشاق ۇرپاققا بەيبىت ءومىر سىيلاۋ

نۇر- سۇلتان. قازاقپارات - قازاقستاننىڭ قورعانىس ءمينيسترى، گەنەرال- لەيتەنانت نۇرلان ەرمەكبايەۆ اسكەري قىزمەتشىلەر مەن ارداگەرلەرگە وتان قورعاۋشى كۇنىنە ارناپ بەينەقۇتتىقتاۋ جولدادى، دەپ حابارلايدى قازاقپارات.

بيىل قازاقستاننىڭ قارۋلى كۇشتەرىنە 29 جىل تولماق. وسى ۋاقىت ىشىندە ەل اسكەرى مەملەكەتتىڭ ەگەمەندىگى مەن اۋماقتىق تۇتاستىعىنىڭ كەپىلى، سەنىم ارتار تىرەگى بولدى.

- سىزدەردىڭ اسكەري بورىشقا بەرىك، انتقا ادال بولۋ قاسيەتىڭىزدىڭ ارقاسىندا ەل ىرگەسى ءبۇتىن، اسپانى اشىق، حالقىمىز بەيبىت ءومىر سۇرۋدە، - دەدى مينيستر ارىپتەستەرى مەن قىزمەتتەستەرىنە. گەنەرال- لەيتەنانت نۇرلان ەرمەكبايەۆ قارۋلى كۇشتەردىڭ جوعارعى باس قولباسشىسى قاسىم- جومارت كەمەل ۇلى توقايەۆتىڭ ەلدىڭ قورعانىس قابىلەتى مەن ارميانىڭ جاۋىنگەرلىك قۋاتىن نىعايتۋعا باعىتتالعان تاپسىرمالارىنىڭ تۇڭعىش پرەزيدەنت سالعان سارا جولمەن ساباقتاستىعىن اتاپ ءوتتى.

- قازاقستان جاۋىنگەرلەرى ادامزات تاريحىنداعى ەڭ الاپات سوعىستا 76 جىل بۇرىن بوستاندىق پەن تاۋەلسىزدىكتى قورعاعان اتا- بابالارىمىزدىڭ جاۋىنگەرلىك ءداستۇرىن ابىرويمەن جالعاستىرۋدا، - دەدى قورعانىس ۆەدومستۆوسىنىڭ باسشىسى.

نۇرلان ەرمەكبايەۆ ەكىنشى دۇنيەجۇزىلىك سوعىستاعى اتا- بابامىزدىڭ ەرلىككە تولى دارا جولى وسكەلەڭ ۇرپاق ءۇشىن تاعىلىمى مول ۇلگى- ونەگە ەكەنىن ايتىپ ءوتتى.

- ءبىزدىڭ ورتاق مىندەتىمىز - سۇراپىل سوعىستىڭ بولۋىنا جول بەرمەي، ەلىمىزدىڭ تىنىشتىعىن ساقتاپ، بولاشاق ۇرپاققا بەيبىت ءومىر سىيلاۋ، - دەدى قورعانىس ءمينيسترى نۇرلان ەرمەكبايەۆ. ء

سوز سوڭىندا قورعانىس ۆەدومستۆوسىنىڭ باسشىسى قان مايدانداعى شايقاستا جەڭىس تۋىن جەلبىرەتكەن، تىلداعى قاجىرلى ەڭبەگىمەن جەڭىستى جاقىنداتقان قادىرلى ارداگەرلەردى، بەيبىت ومىردە ەل تىنىشتىعىن قورعاۋدا تۇرعان جاۋىنگەرلەردى قۇتتىقتادى. قورعانىس ءمينيسترى نۇرلان ەرمەكبايەۆ بارشاعا زور دەنساۋلىق، ءار وتباسىنا اماندىق، قاسيەتتى وتانىمىز - قازاقستاننىڭ ايبىنىن اسقاقتاتىپ، ونى قورعاۋ جولىنداعى ابىرويلى ىستە تولاعاي تابىس تىلەدى.




:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات