+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

اسقار مامين: وتاندى قورعاۋ اتا- بابالارىمىز ءۇشىن قاشان دا قاسيەتتى بورىش سانالعان

7 مامىر 10:35
:ءبولىسۋ
اسقار مامين: وتاندى قورعاۋ اتا- بابالارىمىز ءۇشىن قاشان دا قاسيەتتى بورىش سانالعان

نۇر- سۇلتان. قازاقپارات – ق ر پرەمەر- ءمينيسترى اسقار مامين ازاماتتاردى وتان قورعاۋشى كۇنىمەن قۇتتىقتادى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

«قۇرمەتتى قازاقستاندىقتار، بارشاڭىزدى وتان قورعاۋشى كۇنىمەن قۇتتىقتايمىن! بۇل مەرەكە - ەرلىكتىڭ، ار- نامىستىڭ، باتىلدىق پەن ءپاتريوتيزمنىڭ سيمۆولى. وتاندى قورعاۋ ءبىزدىڭ اتا- بابالارىمىز ءۇشىن قاشان دا قاسيەتتى بورىش سانالعان. سول اعا ۇرپاقتىڭ داڭقتى ءداستۇرىن بۇگىندە تاۋەلسىز قازاقستاننىڭ قارۋلى كۇشتەرى ابىرويمەن جالعاستىرىپ كەلەدى! ءبىزدىڭ ارميامىز ەلدىڭ اسكەري قاۋىپسىزدىگىن قامتاماسىز ەتۋدەن باستاپ، تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋعا، سونداي- اق پاندەميانىڭ تارالۋىنا قارسى باعىتتالعان اۋقىمدى مىندەتتەردى ءتيىمدى شەشە وتىرىپ، مەملەكەتىمىزدىڭ ەگەمەندىگى مەن اۋماقتىق تۇتاستىعىن كۇزەتۋدە. تاۋەلسىز قازاقستاننىڭ قورعانىس قابىلەتىن نىعايتىپ، ەلىمىزدەگى تىنىشتىق پەن تۇراقتىلىقتى ساقتاۋعا ۇلتتىق ۇلاننىڭ اسكەري قىزمەتشىلەرى، قۇقىق قورعاۋ ورگاندارىنىڭ جانە ارنايى مەملەكەتتىك ورگانداردىڭ قىزمەتكەرلەرى، اسكەري جيىندارعا شاقىرىلعان اسكەري قىزمەتكە مىندەتتى ازاماتتار مەن ءوزىنىڭ قىزمەتتىك بورىشىن اتقارىپ جۇرگەن قازاقستاندىقتار دا قوماقتى ۇلەسىن قوسۋدا. بارلىق اسكەري قىزمەتشىلەرگە مىقتى دەنساۋلىق، بەيبىتشىلىك پەن امان- ساۋلىق، وتانعا الدىنداعى يگىلىكتى ىستەرىنە تابىس تىلەيمىن!»، - دەلىنگەن قۇتتىقتاۋدا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات