+7 (701) 759 90 19
16 °С : نۇر-سۇلتان
29 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

فۋتبولدان ەۋروپا ليگاسى: فينالعا شىققان ەكى كوماندا انىقتالدى

7 مامىر 08:21
:ءبولىسۋ
فۋتبولدان ەۋروپا ليگاسى: فينالعا شىققان ەكى كوماندا انىقتالدى

نۇر- سۇلتان. قازاقپارات - UEFA ەۋروپا ليگاسى فينالىنا جولداما العان ەكى كوماندا انىقتالدى، دەپ حابارلايدى قازاقپارات ءتىلشىسى.

العاشقى جۇپتا «روما» (يتاليا) مەن «مانچەستەر يۋنايتەد» (انگليا) كوماندالارى شەبەرلىك بايقاستى. ولاردىڭ اراسىنداعى جەڭىمپاز ءبىرىنشى كەزدەسۋدە- اق انىقتالىپ قويدى دەۋگە نەگىز بار. اعىلشىن جەرىندە وتكەن ويىندا «مانچەستەر يۋنايتەد» قارسىلاسىن 6:2 ەسەبىمەن ويسىراتا جەڭگەن بولاتىن.

بۇگىنگى ويىندا يتالياندىق كلۋب سول كەتكەن ەسەنى قايتارۋعا تىرىستى. دەگەنمەن اعىلشىن فۋتبولشىلارى وعان مۇمكىندىك بەرە قويعان جوق. ويىننىڭ 39-مينۋتىندا «مانچەستەر يۋنايتەد» ساپىنان ەدينسون كاۆاني مەرگەندىك تانىتتى. ودان كەيىن «روما» ساپىنان ەدين دجەكو 57، بريان كريستانتە 60-مينۋتتاردا قاقپانى ءدال كودەدى. ال 68-مينۋتتا ەدينسون كاۆاني ءوزىنىڭ ەكىنشى گولىن سوعىپ، تارازى باسىن تەڭەستىردى.

نيكولا زاليەۆسكي 83-مينۋتتا «رومانى» تاعى دا العا شىعاردى. كەزدەسۋدە الاڭ يەلەرى 3:2 ەسەبىمەن جەڭدى. الايدا قوس ويىننىڭ قورىتىندىسىمەن «مانچەستەر يۋنايتەد» فينالعا جولداما الدى.

«ارسەنال» (انگليا) مەن «ۆيلياررەال» (يسپانيا) كوماندالارى تاعى ءبىر جولدامانىڭ يەگەرىن انىقتادى. ءبىرىنشى كەزدەسۋدە «ۆيلياررەال» اعىلشىندىق كلۋبتى 2:1 ەسەبىمەن تىزە بۇكتىردى. بۇگىنگى ويىندا دا تارتىسقا تولى بولدى. دەسە دە قارسىلاستار ءبىر- ءبىرىنىڭ قاقپاسىنان ساڭىلاۋ تابا العان جوق. كەزدەسۋ 0:0 ەسەبىمەن تەڭ اياقتالدى.

فينالعا «ۆيلياررەال» جولداما الدى. فينال 26-مامىردا پولشانىڭ گدانسك قالاسىنداعى «ەنەرگا گدانسك» ستاديونىندا وتكىزىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات