قازاقستاندا اۋە بيلەتتەرىن ارزانداتۋ ءۇشىن قانداي شارالار جاسالدى
«بيلەت قۇنىن ارزانداتۋ ءۇشىن مينيسترلىك «اشىق اسپان» رەجيمىن ەنگىزۋ، تۇركىستان قالاسىنىڭ اۋەجايىن اشۋ جانە وتاندىق تومەن بيۋدجەتتىك «Fly Arystan» اۋەكومپانياسىن ىسكە قوسۋ سياقتى ءبىرقاتار شارا اتقاردى. بۇل اۋە كولىگىندەگى باسەكەلەستىكتى ارتتىرۋعا ىقپال ەتەدى، ناتيجەسىندە اۋە بيلەتتەرى تاريفتەرىنىڭ تومەندەۋىنە كومەكتەسەدى. ىسكە قوسىلعان ساتتەن باستاپ، «Fly Arystan» شامامەن 3,3 ميلليون بيلەت ساتتى، ونىڭ ىشىندە %50- عا جۋىعى ەڭ تومەنگى تاريف بويىنشا 10 مىڭ تەڭگەدەن تومەن ساتىلعان. «Fly Arystan» اۋەكومپانياسىنىڭ تاريفتەرى ءبىر باعىتقا قاراي 4999 تەڭگەدەن باستالادى»، - دەپ جازىلعان ق ر ي ي د م حابارلاماسىندا.
سونىمەن بىرگە، 2020 -جىلى تۇركىستان قالاسىنىڭ جاڭا اۋەجايى ىسكە قوسىلعان. قازىرگى ۋاقىتتا تۇركىستاننان نۇر- سۇلتان (7)، الماتى (4)، اتىراۋ (2) قالالارىنا اپتاسىنا 13 رەيس ورىندالىپ جاتىر. سونداي- اق، ىستانبۇلعا اپتاسىنا 2 رەت حالىقارالىق رەيس جاسالادى جانە مامىردىڭ ەكىنشى جارتىسىنان باستاپ، اپتاسىنا 4 رەت ۇلعايتۋ جوسپارلانۋدا. سونىمەن بىرگە، بىشكەك پەن تاشكەنتكە تۇراقتى رەيستەر اشۋ كوزدەلگەن. 2019 -جىلعى 1-قاراشادان باستاپ قازاقستاننىڭ 11 اۋەجايىندا «اشىق اسپان» رەجيمىن ەنگىزۋ دە اۋە بيلەتتەرىنىڭ قۇنىن تومەندەتۋگە باعىتتالعان. بۇل رەجيم رەيستەر سانى بويىنشا بارلىق شەكتەۋلەردى الىپ تاستاۋدى جانە شەتەلدىك اۆياكومپانيالارعا «اۋە ەركىندىگىنىڭ» بەسىنشى دارەجەسىن بەرۋدى كوزدەيدى. تۇركىستان قالاسىنىڭ جاڭا اۋەجايىندا دا وسى رەجيم ەنگىزىلگەن.
«قازاقستاندا «اشىق اسپان» رەجيمىن ەنگىزۋ جاڭا شەتەلدىك تاسىمالداۋشىلاردى تارتۋعا، حالىقارالىق باعىتتاردى اشۋعا، اۋە بيلەتتەرىنىڭ قۇنىن تومەندەتۋگە، ءتۋريزمدى دامىتۋعا جانە ا ح ق و- نىڭ كولىكتىك قولجەتىمدىلىگىن ارتتىرۋعا ىقپال ەتەدى دەپ كۇتىلگەن ەدى. الايدا، COVID-19 جانە حالىقارالىق ۇشۋلاردى ورىنداۋعا ەنگىزىلگەن شەكتەۋلەرگە بايلانىستى جوبانى بيىل تولىق كولەمدە ىسكە اسىرۋ قيىن بولدى. وسى جۇمىس اياسىندا مينيسترلىك 20 دان استام ەلمەن (كاتار، ب ا ءا، ومان، كۋۆەيت، باحرەين، يوردانيا، مالايزيا، اۆستريا جانە ت. ب.) كەلىسسوزدەر جۇرگىزدى، Qatar Airways, Israir، Air Asia, Salam Air، Jazeera Airways, Blue Air، Turkish Airlines جانە ت. ب. شەتەلدىك اۆياكومپانيالاردىڭ جاڭا حالىقارالىق باعىتتارىن اشۋ جوسپارلاندى. الايدا، كوروناۆيرۋس ينفەكسياسىنىڭ تارالۋى بۇل رەيستەردىڭ اشىلۋى بەلگىسىز مەرزىمگە كەيىنگە قالدىرىلدى»، - دەيدى مينيسترلىك.
قازىرگى ۋاقىتتا ىشكى رەيستەردىڭ ورىندالۋى قالپىنا كەلتىرىلدى. 2021 -جىلعى 5 -مامىرداعى جاعداي بويىنشا حالىقارالىق باعىتتاردا تۇراقتى رەيستەر اپتاسىنا 117 رەيس جيىلىگىمەن 40 مارشرۋت بويىنشا 13 ەلدە ورىندالادى، بۇل پاندەمياعا دەيىنگى حالىقارالىق رەيستەردىڭ تەك %26,4 قۇرايدى.
«ىشكى رەيستەردى قىسقارتۋ، حالىقارالىق اۆيارەيستەردى توقتاتا تۇرۋ جانە قايتا باستاۋ تۋرالى شەشىمدەردى قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا قابىلدايتىنىن اتاپ ءوتۋ قاجەت. مەملەكەت باسشىسىنىڭ تاپسىرماسىن ورىنداۋ اياسىندا وتاندىق اۆياكومپانيالار ىشكى مارشرۋتتار بويىنشا ەكونوم- كلاستى اۆيابيلەتتىڭ ورتاشا قۇنىن ورتا ەسەپپەن %13,6- عا تومەندەتتى»، - دەيدى ق ر يندۋستريا جانە ينفراقۇرىلىمدىق دامۋ مينيسترلىگى.