جانىبەك ءالىمحان ۇلىنىڭ كەلەسى كەزدەسۋى قايدا وتەتىنى انىقتالدى
بۇل تۋرالى Vesti.kz تىلشىسىنە دەرەككوز ايتىپ بەردى.
كەلەسى ايدا ءالىمحان ۇلىنىڭ جۇمىستارىن جۇرگىزەتىن Top Rank پروموۋتەرلىك كومپانياسى Virgin Hotels قوناق ۇيىندە ءۇش كەزدەسۋ وتكىزەدى.
بۇل جەكپە-جەكتەردىڭ بىرىندە جەڭىل سالماقتا WBC، WBO جانە WBA (Super) بەلبەۋلەرىنىڭ بۇرىنعى يەگەرى ۋكراينالىق ۆاسيلي لومانچەنكو (14-2، 10 ك و) شىعادى.
26- ماۋسىمدا وتەتىن ايقاستا ونىڭ قارسىلاسى جاپونيالىق ماساەشي ناكاتاني (19-1، 13 ك و) بولادى.
ودان ءبىر اپتا بۇرىن تاعى ءبىر جاپونيالىق ناويا ينوۋەنىڭ (20-0، 17 ك و) قاتىسۋمەن كەزدەسۋ وتكىزەدى.
ەسكە سالايىق، ءالىمحان ۇلى شارشى الاڭعا 27- اقپان كۇنى الماتى قالاسىندا شىعۋ كەرەك ەدى. الايدا ول جاراقاتىنا بايلانىستى جەكپە-جەكتەن باس تارتتى. وتانداسىمىز قازىرگى ۋاقىتتا ورتا سالماقتا WBO Global جانە WBC Continental Americas بەلبەۋلەرىنىڭ يەگەرى.