قازاقستاندا ەكىنشى دۇنيەجۇزىلىك سوعىسىنا قاتىسقان قانشا ارداگەر بار؟
بىلتىر ولاردىڭ سانى - 1025 بولاتىن. بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ ءمالىم ەتتى.
باسقا ساناتتاعى 113 مىڭ 555 ازامات بار. ونىڭ ىشىندە:
- قورشاۋداعى لەنينگراد تۇرعىندارى - 74 ادام؛
- كونتسلاگەرلەردىڭ بۇرىنعى كامەلەتكە تولماعان تۇتقىندارى - 221 ادام؛
- ە د س قايتىس بولعان مۇگەدەكتەردىڭ ايەلدەرى (كۇيەۋلەرى) - 2296 ادام؛
- ە د س كەزىندە قازا تاپقانداردىڭ جەسىرلەرى - 10 ادام؛
- تىل ەڭبەككەرلەرى - 89385 ادام؛
- ە د س قاتىسۋشىلارى مەن مۇگەدەكتەرىنە تەڭەستىرىلگەندەر- 21569 ادام.
ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەلىمىز تاۋەلسىزدىگىنىڭ 30 جىلدىعىنا وراي بارشا قازاقستاندىقتى جەڭىس كۇنىمەن قۇتتىقتادى.
«ءاربىر ادامنىڭ بورىشى - ءوز ەلىنىڭ وتكەنىن ءبىلۋ جانە قۇرمەتتەۋ، بارلىق ۇرپاقتىڭ جارقىن بولاشاعى جولىندا جەڭىسكە جەتۋ ءۇشىن مايداندا سوعىسقان جانە تىلدا ەڭبەك ەتكەن ارداگەرلەرىمىزدىڭ ەرلىكتەرىن ۇمىتپاۋ. سوعىس كەزىندە مايدانعا 1 ميلليون 200 مىڭنان استام قازاقستاندىق شاقىرىلدى، 20 دان استام اتقىشتار ديۆيزياسى مەن باسقا دا قۇرامدار قۇرىلدى»، - دەدى ەرلان اۋكەنوۆ.
ەكىنشى دۇنيەجۇزىلىك سوعىسىندا كوپتەگەن قازاقستاندىق مايدانداعى ەرلىگى ءۇشىن ءتۇرلى مەدالمەن ماراپاتتالدى. 499 قازاقستاندىق كەڭەس وداعىنىڭ باتىرى اتاندى. 4 قازاقستاندىق ەكى رەت باتىر اتاعىن الدى. ەلىمىز 600 مىڭ ازاماتىنان ايرىلدى، 271 مىڭ اسا ادام ۇيىنە ورالماي جوعالىپ كەتتى.
«قولىنا قارۋ العان ءاربىر ەكىنشى قازاقستاندىق جەڭىسكە جەتۋ جولىندا قاسىق قانى قالعانشا كۇرەسىپ، ءومىرىن قيدى - ۇرىستاردا قازا تاپتى، جارالار مەن اۋرۋلاردان كوز جۇمدى، حابار-وشارسىز كەتتى. 630 مىڭ ادام تۇتقىننان ورالمادى»، - دەدى ۆيتسە-مينيستر.
بۇعان دەيىن قازاقستاندا 9- مامىرعا دەيىن ەكىنشى دۇنيەجۇزىلىك سوعىسىنىڭ قاتىسۋشىلارى مەن مۇگەدەكتەرىنە تولەمگە 6,4 ميلليارد تەڭگە جۇمسالاتىنى حابارلانعان بولاتىن.
massaget.kz