21:14, 06 - مامىر 2021 | GMT +6
قازاقستاندىق قىز گرۋزيادا جۇمباق جاعدايدا ءولى تابىلدى
نۇر-سۇلتان. قازاقپارات - گرۋزيادا 26 جاستاعى قازاقستاندىق اسەل ايتبايەۆا جۇمباق جاعدايدا قايتىس بولدى.
اقپاراتتى قازاقستاننىڭ سىرتقى ىستەر مينيسترلىگى مەن گرۋزيانىڭ ءى ءى م وكىلدەرى راستادى، - دەپ حابارلايدى «حابار 24» تەلەارناسى.
مارقۇمنىڭ اپكەسىنىڭ سوزىنشە، اسەل قايتىس بولارىنىڭ الدىندا قۇربىسىنا اۋديوحابارلاما جىبەرىپ ۇلگەرگەن. اۋديودا بەلگىسىز ەر ادام وعان قوقان-لوقى كورسەتىپ جاتقانى ەستىلەدى.
اپكەسىنىڭ ايتۋىنشا، اسەل ايتبايەۆانى تۋىسى ساۋىردە جۇمىس ىستەۋگە گرۋزياعا شاقىرعان ەكەن.
مارقۇم وسىدان بىرنەشە كۇننەن بەرى بايلانىسقا شىقپاعان. اسەلدەن سوڭعى حابارلاما 5- مامىردا كەشكى ۋاقىتتا كەلگەن.