نۇر- سۇلتاندا كارانتين تۋرالى جاڭا قاۋلى جاريالاندى

نۇر-سۇلتان. قازاقپارات - نۇر-سۇلتان قالاسىنىڭ باس سانيتاريا دارىگەرىنىڭ جاڭا قاۋلىسى جاريالاندى.

ول 2021-جىلعى 7- مامىردا ساعات 00:00 دە كۇشىنە ەنەدى، - دەپ حابارلايدى Tengrinews.kz ءتىلشىسى.

كوپشىلىك جينالاتىن ءىس-شارالار تۋرالى تىيىم:

«بۇقارالىق ءىس-شارالاردى، وتباسىلىق، ەسكە الۋ ءىس-شارالارىن قوسقاندا، ونىڭ ىشىندە ۇيدە (اۋىز اشار، بانكەتتەر، ۇيلەنۋ تويلارى، مەرەيتويلار، ەسكە الۋ جانە ت. ب.)، «Ashyq» جوباسىنا قاتىساتىن وبەكتىلەردە وتكىزىلەتىن ءىس-شارالاردى قوسپاعاندا (30 ادامنان ارتىق ەمەس)، ۇيىمداستىرۋ جانە وتكىزۋگە، ميتينگىلەر، شەرۋلەر، جيىندار جانە ت. ب. وتكىزۋگە جانە قاتىسۋعا تىيىم سالۋ؛

Ashyq جوباسى بويىنشا نۇر-سۇلتاندا وكەاناريۋم، كاراوكە، بانكەت زالدارى، كورمەلەر، مارافوندار ىسكە قوسىلادى، سونداي-اق كورەرمەن قاتىساتىن سپورتتىق ءىس-شارالار وتكىزۋگە رۇقسات ەتىلەدى.

سونىمەن قاتار، مەملەكەتتىك ورگاندار مەن ۇلتتىق كومپانيا اكىمشىلىك قىزمەتكەرلەرىنىڭ جۇمىسى تۋرالى ەرەجە وزگەرگەن:

«وندىرىستىك قاجەتتىلىككە بايلانىستى مەنشىك نىسانىنا قاراماستان مەملەكەتتىك ورگاندار (ۇيىمدار)، ۇلتتىق كومپانيالار، كاسىپورىندار اكىمشىلىك پەرسونالى كەمىندە 80 پايىز قاشىقتان جۇمىس نىسانىنا كوشۋ. قىزمەتكەرلەردى COVID-19-عا قارسى ۆاكسينالاۋ جۇرگىزىلگەن جاعدايدا قىزمەت قاشىقتان جانە كۇندىزگى جۇمىس فورماتىندا جۇمىس ىستەيتىن قىزمەتكەرلەردىڭ پايىزدىق اراقاتىناسى بويىنشا تالاپتاردى ەسكەرمەي جۇزەگە اسىرىلادى. بۇل رەتتە سوڭعى 6 اي ىشىندە COVID-19-عا قارسى ۆاكسيناتسيالاۋدىڭ تولىق كۋرسىن العان جانە COVID-19 جۇقتىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە جول بەرىلەدى».

جاڭا ەرەجەلەر تۋرالى تولىعىراق مىنا جەردەن وقي الاسىز.