كوروناۆيرۋستان كەيىن قانداي ناۋقاستار وڭالتۋمەن قامتىلادى؟

None
None
نۇر-سۇلتان. قازاقپارات - وڭالتۋ كومەگى جونىندەگى ۇلتتىق ۇيلەستىرۋشى ايگۇل حاسەنوۆا پوستكوۆيدتى ساۋىقتىرۋمەن قاي ناۋقاستار قامتىلاتىنىن ايتتى، دەپ حابارلايدى قازاقپارات ءتىلشىسى.

«وڭالتۋ ءىس-شارالارىنا توقتالاتىن بولساق، ءبىرىنشى كەزەكتە وكپەسى 25 پايىز زاقىمدانعان پاتسيەنتتەر، سونداي-اق قانداي دا ءبىر ىلەسپە اۋرۋى بولعاندار ەسكەرىلەدى. ەكىنشى كاتەگوريادا ىلەسپە اۋرۋى بولماسا دا، وكپەسى 50 پايىز زاقىمدانعاندار قامتىلادى»، - دەدى ا. حاسەنوۆا ونلاين رەجيمدە وتكەن تالقىلاۋ بارىسىندا.

ونىڭ ايتۋىنشا، ناۋقاستىڭ جاعدايىنا قاراي ساۋىقتىرۋدىڭ تۇتاس باعدارلاماسى نازارعا الىنىپ، باعالانادى.

«ءبىرىنشى كەزەكتە ادامدار تىنىس الۋ گيمناستيكاسىمەن قاتار، ەم قابىلدايدى. مۇنىمەن قوسا، مەحانوتەراپيا، فيزيوتەراپيا سەكىلدى قادامدار بولادى. بۇل تۇرعىدا وڭالتۋ ۇزاقتىعى 14 كۇن جانە ودان دا كوپ مەرزىمدە جۇرگىزىلەدى»، - دەدى ايگۇل حاسەنوۆا.

ايتا كەتەيىك، بۇعان دەيىن ايگۇل حاسەنوۆا قازاقستاندا قانداي اۋرۋلار كەزىندە وڭالتۋ كومەگى ۇسىنىلاتىنىن ايتقان ەدى.

سوڭعى جاڭالىقتار