18:38, 06 - مامىر 2021 | GMT +6
پرەزيدەنت قىرعىز ەلىنە گۋمانيتارلىق كومەك كورسەتۋگە شەشىم قابىلدادى
نۇر- سۇلتان. قازاقپارات - قاسىم- جومارت توقايەۆ باۋىرلاس قىرعىز ەلىنە قازاقستان حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى، دەپ حابارلايدى قازاقپارات مەملەكەت باسشىسىنىڭ باسپا ءسوز حاتشىسى بەرىك ۋاليگە سىلتەمە جاساپ.
«قىرعىز رەسپۋبليكاسىمەن اراداعى ءداستۇرلى دوستىق، وداقتاستىق جانە ستراتەگيالىق سەرىكتەستىك قاعيداتتاردى باسشىلىققا الا وتىرىپ، پرەزيدەنت قاسىم- جومارت توقايەۆ باۋىرلاس قىرعىز ەلىنە قازاقستان حالقىنىڭ اتىنان گۋمانيتارلىق كومەك كورسەتۋگە شەشىم قابىلدادى. كورشى مەملەكەتكە 10 مىڭ توننا ۇن جىبەرىلەدى. ۇكىمەت مەملەكەت باسشىسىنىڭ تاپسىرماسىن ورىنداۋعا كىرىسىپ كەتتى»، دەپ جازدى بەرىك ءۋالي Facebook - تەگى پاراقشاسىندا.