بەيجىڭدى تاعى دا قۇمدى داۋىل باسىپ قالدى

بەيجىڭ. قازاقپارات - بەيسەنبى كۇنى بەيجىڭدى تاعى دا اۋانىڭ لاستانۋىنا اكەلگەن قۇمدى داۋىل باسىپ قالدى.

بۇل - بيىل بولعان بەسىنشى قۇمدى داۋىل، دەپ حابارلايدى «قازاقپارات» ح ا ا مەنشىكتى ءتىلشىسى ەل استاناسىنداعى مەتەورولوگيالىق قىزمەتكە سىلتەمە جاساپ.

مەتەورولوگتاردىڭ مالىمەتتەرى بويىنشا، موڭعول سيكلونى مەن قاتتى جەلدىڭ اسەرىنەن قۇمدى داۋىل بەيسەنبىگە دەيىن بەيجىڭدە جالعاسادى. مەتەوقىزمەت حابارلاعانداي، قۇمدى داۋىل قىتاي استاناسىندا تۇستەن كەيىن PM10 قاتتى بولشەكتەرىنىڭ كونسەنتراتسياسىن «قاتتى لاستانۋ» دەڭگەيىنە دەيىن ارتتىرادى.

وسىعان بايلانىستى مەتەوقىزمەت ماماندارى بەيجىڭ تۇرعىندارىنا كوشەدە بولۋ ۋاقىتىن قىسقارتۋعا كەڭەس بەرەدى. سارسەنبىدە بەيجىڭ مەتەورولوگيالىق قىزمەتى جاقىنداپ كەلە جاتقان قۇمدى داۋىل تۋرالى ەسكەرتۋدىڭ «كوك» دەڭگەيىن جاريالادى.

ەسكە سالا كەتەيىك، سوڭعى 10 جىلداعى العاشقى جانە كۇشتى قۇمدى داۋىل بەيجىڭدە 15-ناۋرىزدا بولعان ەدى. قىتايدا قۇمدى داۋىلدارعا ارنالعان تۇستەرمەن كودتالعان ءتورت دەڭگەيلى اۋا رايى تۋرالى ەسكەرتۋ جۇيەسى بار، ەڭ جوعارى دەڭگەي قىزىل، سودان كەيىن قىزعىلت سارى، سارى جانە كوك.

اۆتورى: رۋسلان سۇلەيمەنوۆ