قازاقستان پرەزيدەنتى قاتار مەملەكەتىنىڭ امىرىمەن تەلەفون ارقىلى سويلەستى

None
None
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ قاتار مەملەكەتىنىڭ ءامىرى شەيح تاميم بەن حاماد ءال تانيمەن تەلەفون ارقىلى سويلەستى، دەپ حابارلايدى اقوردا.

مەملەكەت باسشىلارى ءبىر- ءبىرىن قاسيەتتى رامازان ايىمەن قۇتتىقتاپ، قازاقستان مەن قاتار حالىقتارىنىڭ ءوسىپ- وركەندەي بەرۋىنە تىلەكتەستىك ءبىلدىردى.

تاراپتار ەكىجاقتى بايلانىستاردىڭ دامۋ پەرسپەكتيۆالارىن جان- جاقتى تالقىلاپ، كوپجاقتى ىنتىماقتاستىقتى كەڭەيتۋگە بەيىلدى ەكەنىن ناقتىلادى. قاسىم- جومارت توقايەۆ پەن شەيح تاميم بەن حاماد ءال ءتاني قازاق- قاتار كووپەراتسياسىن جاڭا مازمۇنمەن تولىقتىرۋعا قاجەتتى رەسۋرستار مەن زور الەۋەت بار ەكەنىن اتاپ ءوتتى. قازاقستان پرەزيدەنتى ەكى ەلدىڭ ۇكىمەتتەرى مەن ىسكەر توپتارى اراسىنداعى قارىم- قاتىناستاردى جانداندىرۋدى جانە بىرلەسكەن ينۆەستيتسيالىق جوبالاردىڭ جەكەلەگەن ءتىزىمىن جاساقتاۋدى ۇسىندى.

مەملەكەت باسشىسى ەكىجاقتى ىنتىماقتاستىقتىڭ باسىم باعىتتارى رەتىندە اۋىل شارۋاشىلىعى، گەولوگيالىق بارلاۋ، تاۋ- كەن ونەركاسىبى، كولىك جانە لوگيستيكا، سونداي- اق، قارجى جانە بانك سەكتورىن اتادى.

قاسىم- جومارت توقايەۆ ەكى ەل اراسىنداعى ىنتىماقتاستىقتىڭ ناقتى باعىتتارى بويىنشا جوعارى دەڭگەيدەگى ۋاعدالاستىقتاردى ناقتىلاۋ ءۇشىن قاتار ءامىرىن وزىنە ىڭعايلى ۋاقىتتا قازاقستانعا رەسمي ساپارمەن كەلۋگە شاقىردى.

شەيح تاميم ءال ءتاني دوحانىڭ قازاقستانمەن كوپجاقتى ەكونوميكالىق جانە ينۆەستيتسيالىق ىنتىماقتاستىعىن دامىتۋعا مۇددەلى ەكەنىن جەتكىزدى. قاتار ءامىرىنىڭ پىكىرىنشە، ەكىجاقتى بايلانىستاردىڭ وزىندىك قوزعاۋشى كۇشى بولاتىن بىرنەشە ءىرى ينۆەستيتسيالىق جوبالاردى دايىنداۋ كەرەك. كەلىسسوزدەر بارىسىندا ەكى ەل ۇكىمەتتەرىنىڭ COVID-19 ىندەتىنىڭ تارالۋىنا قارسى كۇرەستە قابىلداپ جاتقان شارالارى ارنايى ءسوز بولدى.

قاتار ءامىرى COVID-19 ىندەتىنە قارسى ەكپە دايىنداۋداعى قازاقستاندىق عالىمداردىڭ جەتىستىكتەرىن جوعارى باعالاپ، بۇل قازاقستاننىڭ ءوز ۆاكسيناسىن جاساپ شىعارعان ون مەملەكەتتىڭ جانە عىلىمي ازىرلەمەسىن تىركەگەن بەس ەلدىڭ قاتارىنا كىرۋگە مۇمكىندىك بەرگەنىن اتاپ ءوتتى.

اڭگىمەلەسۋ سوڭىندا شەيح تاميم ءال ءتاني قاسىم- جومارت توقايەۆقا قازاقستانعا ساپارمەن كەلۋگە شاقىرعانى ءۇشىن العىس ايتتى.

سوڭعى جاڭالىقتار