قازاقستاندىق ارۋ بايداركا ەسۋدەن وليمپيادا جولداماسىن جەڭىپ الدى

نۇر-سۇلتان. قازاقپارات - تايلاندتىڭ پاتتايا قالاسىندا ءوتىپ جاتقان بايداركا مەن كانوەدە ەسۋدەن ازيا ايماقتىق ىرىكتەۋ تۋرنيرىندە قازاقستان كومانداسىنىڭ مۇشەسى كەزەكتى جولدامانى جەڭىپ الدى، دەپ حابارلايدى Olympic.kz.

ايەلدەر اراسىندا ءبىر ادامدىق بايداركامەن 500 مەترگە جارىسۋدان سىنعا تۇسكەن ناتاليا سەرگەيەۆا جارىس جەڭىمپازى اتاندى. ناتيجەسىندە، قازاقستان قورجىنىنا كەلەسى جولدامانى سالدى.

ايتا كەتەرلىگى، بۇل بايداركا مەن كانوەدە ەسۋ سپورتى بويىنشا قازاقستان قورجىنىنداعى ەكىنشى ءۇشىنشى جولداما. اعايىندى ەمەليانوۆتار كانوەدە ەسۋدەن ولمپيادا ليتسەنزياسىنا يەلىك ەتسە، ايەلدەر اراسىندا ەكى ادامدىق كانوەدە 500 مەتر قاشىقتىقتا سىنعا تۇسكەن مارگاريتا تورلوپوۆا مەن سۆەتلانا ۋسوۆا جولداما جەڭىپ العان بولاتىن.