ەلوردادا ترياتلوننان ازيا چەمپيوناتى وتەدى
قۇرلىق بىرىنشىلىگى 2021-جىلعى ترياتلون ماۋسىمىنىڭ باستى دوداسىنا اينالادى.
چەمپيوناتتا U19 (19 جاسقا دەيىنگى)، U23 (23 جاسقا دەيىنگى) ساناتىنداعى سپورتشىلار جانە Mixed Relay (ەستافەتالىق كوماندالار) قاتىسادى.
ون توعىز جاسقا دەيىنگى سپورتشىلار 750 مەتر ءجۇزۋ، 20 كيلومەتر ۆەلوجارىس پەن 5 كيلومەتر جۇگىرۋدەن تۇراتىن سپرينتەر قاشىقتاعى ازيا چەمپيونىن انىقتايدى.
U23 ساناتىنداعى سپورتشىلار ودان ەكى ەسە ۇزىن وليمپيادالىق قاشىقتاعى قۇرلىق چەمپيونى اتاعى ءۇشىن سىنعا تۇسەدى.
قۇرامىنا ەكى ەكىدەن ەر جانە ايەلدەر كىرەتىن ەستافەتالىق كوماندالار 250 مەتر ءجۇزۋ، 6,6 كيلومەتر ۆەلوجارىس پەن 1,6 كيلومەتر جۇگىرۋدەن قۇرالاتىن قاشىقتى توقتاۋسىز باعىندىرادى.
«استانامىزدا قۇرلىقتىق چەمپيوناتتى وتكىزۋ قۇقىعىنا يە بولدىق. فەدەراتسيا باسشىسى الديار قازتايەۆقا كورسەتكەن قولداۋى ءۇشىن العىس ايتامىن. سپورتشىلارىمىز ءۇشىن بۇل ۇلكەن مۇمكىندىك - ولار ءوز ەلىندە جاتتىعىپ، دوداعا تۇسە الادى. ەلدەگى بىرىنشىلىكتە جۇلدەلى ورىندارعا يە بولۋ ءۇشىن قولدان كەلگەندى جاساۋعا تىرىسامىز»، - دەدى ۇلتتىق قۇرامانىڭ باس باپكەرى نۇرجان ۇسىپبەكوۆ.
چەمپيوناتتاعى جەكە ەسەپتە ازيا ەلدەرىنەن كەلگەن 130 سپورتشى (65 ەر جانە 65 ايەل) قاتىسادى دەپ كۇتىلۋدە.
سايىسكەرلەر الەمدىك رەيتينگىنىڭ ۇپايى ءۇشىن باسەكەلەسەدى.