سايلاۋعا ءوتۋ شەگىن تومەندەتۋ، «بارلىعىنا قارسىمىن» گرافاسىن ەنگىزۋ: ءماجىلىس پرەزيدەنت ۇسىنىستارىن قولدادى

نۇر-سۇلتان. قازاقپارات - ق ر پارلامەنتى ماجىلىسىندە ەل پرەزيدەنتىنىڭ باستاماسىمەن سايلاۋ تۋرالى ۇسىنىمدار ەنگىزىلگەن زاڭ جوباسى ماقۇلداندى، دەپ حابارلايدى قازاقپارات.

«ق ر پرەزيدەنتى قاسىم-جومارت توقايەۆتىڭ 2021 -جىلعى 15-قاڭتاردا VII شاقىرىلىمداعى پارلامەنت ءماجىلىسىنىڭ ءبىرىنشى سەسسياسىنىڭ اشىلۋىندا بەرگەن تاپسىرماسىنا سايكەس، پارلامەنت ماجىلىسىنە سايلاۋ كەزىندە ساياسي پارتيالاردىڭ ءوتۋ شەگى %7 دان %5 عا دەيىن تومەندەيدى، سونداي-اق بارلىق دەڭگەيدەگى سايلاۋ بيۋللەتەندەرىنە «بارلىعىنا قارسىمىن دەگەن» گرافا قوسىلادى»، - دەدى ق ر ۇلتتىق ەكونوميكا ءمينيسترى اسەت ەرعاليەۆ ءماجىلىستىڭ جالپى وتىرىسىندا.

ايتا كەتەيىك، مينيستر ماجىلىستە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر كونستيتۋتسيالىق زاڭى جوباسىن تانىستىردى. وندا اۋدان اكىمدەرىن سايلاۋ ۇسىنىسى دا ەنگىزىلگەن. زاڭ جوباسىن ءماجىلىستىڭ جالپى وتىرىسىنا قاتىسىپ وتىرعان 95 دەپۋتاتتىڭ بارلىعى ماقۇلدادى.

اۆتور: ايجان سەرىكجان قىزى