+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

ءماجىلىس ءتوراعاسى ۆاكسينا شىعارۋ زاۋىتىنا كىمنىڭ جاۋاپتى ەكەنىن سۇراپ، سىنعا الدى

5 مامىر 14:00
:ءبولىسۋ
ءماجىلىس ءتوراعاسى ۆاكسينا شىعارۋ زاۋىتىنا كىمنىڭ جاۋاپتى ەكەنىن سۇراپ، سىنعا الدى

نۇر-سۇلتان. قازاقپارات - ءماجىلىس ءتوراعاسى نۇرلان نىعماتۋلين قازاقستاندىق ۆاكسينا شىعارۋ بويىنشا جامبىل وبلىسىندا سالىنىپ جاتقان زاۋىتقا كىمنىڭ جاۋاپتى ەكەنىن سۇراپ، سىنعا الدى، دەپ حابارلايدى قازاقپارات.

«مينيسترلىكتەردىڭ قايسىسى بۇل زاۋىت ءۇشىن جاۋاپتى؟ لەنتالارى قيىلدى، الەكسەي ۆلاديميروۆيچ (الەكسەي سوي - دەنساۋلىق ساقتاۋ ءمينيسترى - رەد.) PR ناۋقانىن جۇرگىزدى. ەندى، زاۋىتتا قاشان ونەركاسىپتىك ءوندىرىس باستالادى؟ ب ع م «مەنىكى ەمەس» دەپ وتىر. سوي مىرزا «تەك تۇتىنۋ مەن ۇيىمداستىرۋدى» ايتادى. سوندا كىم جاۋاپتى؟»، - دەدى ن. نىعماتۋلين ءماجىلىستىڭ جالپى وتىرىسىندا.

اتالعان جۇمىستارمەن اينالىسىپ جۇرگەن ەرالى توعجانوۆ ءىسساپاردا بولعاندىقتان، سۇراققا پرەمەر- ءمينيستردىڭ ءبىرىنشى ورىنباسارى ءاليحان سمايىلوۆ جاۋاپ بەردى.

«سۇراۋ ۇكىمەتكە سالىناتىن بولادى. ۇكىمەتتە پرەمەر- مينيستر ورىنباسارى ەرالى توعجانوۆ اينالىسىپ ءجۇر. مينيسترلەر اراسىندا - ءبىلىم جانە عىلىم مينيسترلىگى. ءقازىر بارلىق تەحنيكالىق جۇمىستارىن اكىمدىك جۇرگىزەدى. ولار تەحنيكالىق بولىگىن بىتىرگەن سوڭ، ءبىلىم جانە عىلىم مينيسترلىگىنىڭ بالانسىنا بەرىلەدى»، - دەپ جاۋاپ بەردى ءا. سمايىلوۆ.

«ازىرگە وزدەرىڭىزگە دە تۇسىنىكسىز بولىپ وتىرعانىن كوردىك. ءاليحان اسحان ۇلى (سمايىلوۆ - رەد.)، ۇلكەن ءوتىنىش، «قويشى كوپ بولسا، قوي ارام ولەدىنىڭ» كەرى بولماسىن. بۇل وتە ماڭىزدى جوبا. حالىق، قوعام ۆاكسينانى كۇتىپ وتىر. قانشا مالىمدەمە جاسالعان سوڭ، ەندى ۇيىمداستىرۋدى قولعا الىڭىزدار. ءاليحان اسحان ۇلى ۇكىمەتتىڭ جاۋاپتى ەكەنىن ايتتى. ۇكىمەتتە دە ناقتى ادامدار بار. سىزدەر سۇراعان قاراجات بەرىلدى. ەندى تاعى قوسىمشا سۇراپ وتىرسىزدار، تاعى ءبولىنىپ جاتىر. ءبارى وزدەرىڭىزگە بايلانىستى، ۋاقىت جىلدام وتەدى دە كەتەدى»، - دەدى نۇرلان نىعماتۋلين.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات