رەسپۋبليكالىق بيۋدجەتتى ناقتىلاۋ: قاي باعىتقا قانشا قارجى بولىنەدى
ناقتىلاۋ «Nur Otan» پارتياسىنىڭ سايلاۋالدى باعدارلاماسىن، مەملەكەت باسشىسىنىڭ ستراتەگيالىق باستامالارى مەن تاپسىرمالارىن قارجىلىق قامتاماسىز ەتۋگە، سونداي-اق COVID-19-بەن كۇرەسۋگە باعىتتالعان.
«2021 -جىلعا ارنالعان رەسپۋبليكالىق بيۋدجەتتىڭ پارامەترلەرىنە مىناداي وزگەرىستەر ەنگىزىلدى. رەسپۋبليكالىق بيۋدجەت تۇسىمدەرى 1,1 تريلليون تەڭگەگە ۇلعايىپ، 12,6 تريلليون تەڭگەنى قۇرايدى. بيۋدجەت تاپشىلىعى جالپى ىشكى ونىمگە %3,5 دەڭگەيىندە بولجانىپ وتىر، ياعني 149 ميلليارد تەڭگەگە وسكەن»، - دەدى مينيستر ءماجىلىستىڭ جالپى وتىرىسىندا.
ونىڭ ايتۋىنشا، رەسپۋبليكالىق بيۋدجەت شىعىستارىنىڭ كولەمى 1,3 تريلليون تەڭگەگە ارتىپ، 15,3 تريلليون تەڭگەنى قۇرايدى.
«ناقتىلاۋ جوباسىندا قاراجاتتى مىناداي باعىتتار بويىنشا ءبولۋ كوزدەلگەن. ءبىرىنشى، «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ - جالپى سوماسى 884 ميلليارد تەڭگە. وسى قاراجات ەسەبىنەن جول سالۋ جانە رەكونسترۋكسيالاۋ، اگروونەركاسىپ كەشەنىن دامىتۋ، حالىقتىڭ تۇرعىن ءۇي جاعدايىن جاقسارتۋ، تازا اۋىز سۋمەن قامتاماسىز ەتۋ جانە «اۋىل - ەل بەسىگى» ارنايى باعدارلاماسى شەڭبەرىندە اۋىلداردى جاڭعىرتۋ بويىنشا شارالار قابىلدانادى. ەكىنشى، كوروناۆيرۋس ينفەكتسياسىمەن كۇرەس بويىنشا ەپيدەمياعا قارسى ءىس- شارالاردى قارجىلاندىرۋعا 265 ميلليارد تەڭگە قاراستىرىلعان. ءۇشىنشى، مەملەكەت باسشىسىنىڭ تاپسىرمالارىن جانە بۇرىن قابىلدانعان مىندەتتەمەلەردى ورىنداۋ. بيۋدجەتتى ناقتىلاۋ ناتيجەسىندە ونىڭ الەۋمەتتىك باعىتتىلىعى ساقتالعان، ال ناقتى سەكتور مەن وڭىرلەردى قولداۋ كۇشەيتىلدى. بۇل تۋرالى بيۋدجەت شىعىستارىنىڭ قۇرىلىمى كورسەتىپ وتىر»، - دەپ اتاپ ءوتتى ە. جاماۋبايەۆ.
قارجى ءمينيسترى ونىڭ 723 ميلليارد تەڭگە سوماسىندا ەداۋىر ۇلكەن بولىگى ەكونوميكانىڭ ناقتى سەكتورىن قولداۋعا باعىتتالعانىن ايتتى.
«بۇل باعىتتى ىنتالاندىرۋ ورتا مەرزىمدە ەلدىڭ دامۋىنا مۋلتيپليكاتيۆتىك اسەر ەتەتىن بولادى. ناتيجەسىندە وسى سالانىڭ شىعىستارى 2,4 تريلليون تەڭگە نەمەسە جالپى شىعىستار كولەمىنىڭ شامامەن %16 كولەمىندە جوسپارلانىپ وتىر. بيۋدجەتتىڭ الەۋمەتتىك سالاسى جالپى العاندا 374 ميلليارد تەڭگەگە ۇلعايىپ، 7,5 تريلليون تەڭگەنى نەمەسە جالپى شىعىستاردىڭ %48,7 قۇرايدى. كۇش قۇرىلىمى شىعىستارى 211 ميلليارد تەڭگەگە ءوسىپ، 1,6 تريلليون تەڭگە سوماسىندا جوسپارلانعان. جالپى مەملەكەتتىك شىعىستار 80 ميلليارد تەڭگەگە قىسقارتىلىپ، 3,3 تريلليون تەڭگەنى قۇرايدى. بۇل بلوك شىعىستارىنىڭ ازايۋى پرەزيدەنتتىڭ باستامالارىنا ارنالعان رەزەرۆتى قايتا بولۋمەن بايلانىستى. قوسىمشا شىعىستاردىڭ ايتارلىقتاي ۇلەسى نىسانالى ترانسفەرتتەرمەن وڭىرلەرگە بەرىلەتىنىن اتاپ ءوتۋ قاجەت. ولاردىڭ جالپى سوماسى 539 ميلليارد تەڭگە بولسا، ونىڭ ىشىندە دامۋعا ارنالعان ترانسفەرتتەر - 335 ميلليارد تەڭگە»، - دەپ ءتۇسىندىردى مينيستر ە. جاماۋبايەۆ. ايتا كەتەيىك، ماجىلىستە «2021-2023 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسى قارالىپ جاتىر.