مەملەكەت فەرمەرلەردىڭ ەكىنشى دەڭگەيلى بانكتەردەن الاتىن نەسيەسىن كەپىلدەندىرەدى
ق ر اۋىل شارۋاشىلىعى مينيسترلىگى ەكىنشى دەڭگەيلى بانكتەردەن نەسيە راسىمدەيتىن فەرمەرلەر ءۇشىن «اۋىل شارۋاشىلىعىن قارجىلاي قولداۋ قورى» ا ق ارقىلى نەسيەلەردى مەملەكەتتىك كەپىلدەندىرۋ مەحانيزمى 2020 -جىلدان بەرى ىسكە اسىرىلىپ كەلە جاتقانىن ەسكە سالادى.
فەرمەرلەردى قولداۋدىڭ جاڭا فورماسى ەكىنشى دەڭگەيلى بانكتەردى اۋىل شارۋاشىلىعىن نەسيەلەۋگە ىنتالاندىرۋ، بانكتەردىڭ نەسيەلىك تاۋەكەلدەرىن ازايتۋ جانە اگرارلىق سالانى قارجىلاندىرۋدىڭ تارتىمدىلىعىن ارتتىرۋ ءۇشىن ەنگىزىلدى. اۋىل شارۋاشىلىعى تاۋارىن وندىرۋشىلەر - ەكىنشى دەڭگەيلى بانك نەسيەسىنىڭ كومەگىمەن ينۆەستيتسيالىق جوبالاردى ىسكە اسىرۋدى جوسپارلاعان جەكە كاسىپكەرلىك سۋبەكتىلەر (ا ق، ج ش س، ش ق، ف ق جانە ت. ب.) كەپىلدىك بەرۋ جۇيەسىنە قاتىسا الادى. شارت بويىنشا، جىلدىق سىياقى مولشەرى %17 دان اسپايتىن 5 ميلليارد تەڭگەگە دەيىنگى نەسيەنى 10 جىلعا دەيىنگى مەرزىمگە الاتىن فەرمەرلەرگە كەپىلدىك بەرۋ كوزدەلگەن. كەپىلدەندىرۋ كوميسسيا كەپىلدىك مولشەرىنىڭ %30 ىن قۇرايدى، ونىڭ %29,9 - ىن مەملەكەت (جەرگىلىكتى اتقارۋشى ورگان)، ال %0,1 - ىن اۋىل شارۋاشىلىعى تاۋارىن ءوندىرۋشى تولەيدى. كەپىلدەندىرۋ مولشەرى - نەگىزگى قارىز سوماسىنىڭ %50- نا دەيىن (ءبىراق 1,5 ميلليارد تەڭگەدەن اسپاۋى ءتيىس).
جوبانى ىسكە قوسقانعا دەيىن باسىم ينۆەستيتسيالىق جوبالار بويىنشا كەپىلدىك مولشەرى -%85 (ءبىراق 2,55 ميلليارد تەڭگەدەن اسپاۋى ءتيىس). جوبا پايدالانۋعا بەرىلگەننەن كەيىن كەپىلدىك مولشەرى ستاندارتتى شارتتارعا دەيىن تومەندەتىلەدى. كەپىلدىك اگروونەركاسىپ كەشەنىندەگى قىزمەتتىڭ بارلىق تۇرلەرى بويىنشا، سونداي- اق تاماق ونىمدەرىن ءوندىرۋ قىزمەتىنىڭ ينۆەستيتسيالىق جوبالارىن ىسكە اسىرۋعا بەرىلەدى. بۇدان باسقا، كەپىلدىك بەرۋ شەڭبەرىندە مىناداي باسىم ينۆەستيتسيالىق باعىتتار بار:
- تاۋارلى ءسۇت فەرمالارى؛
- ەتتى قۇس شارۋاشىلىعى؛
- قارقىندى باق؛
- جىلىجايلار؛
- قانت قىزىلشاسىن ءوسىرۋ جانە قىزىلشا قانتىن ءوندىرۋ؛
- جارما ءوندىرىسى؛
- كوكونىستەر مەن جەمىستەردى قايتا وڭدەۋ؛
- وسىمدىك مايى مەن ماي ونىمدەرىن ءوندىرۋ.