قازاقستاندىق لوۋكوستەر «نۇر- سۇلتان - كۋتايسي» باعىتىندا العاشقى رەيسىن اشتى

نۇر- سۇلتان. قازاقپارات - ەلوردا اۋەجايىنان قازاقستاندىق لوۋكوستەردىڭ «نۇر- سۇلتان- كۋتايسي» باعىتىنداعى العاشقى رەيسى ۇشىپ كەتتى، دەپ حابارلايدى قازاقپارات ءتىلشىسى.

گرۋزيا قالاسىنا ەلوردادان العاش اتتانعان رەيسكە قاتىستى وقيعا گرۋزين جانە قازاق بيشىلەرىنىڭ قىزىقتى فلەشموبىنا ۇلاسىپ، ساپارعا شىققان جولاۋشىلاردىڭ كوڭىلىن كوتەردى. وسى ورايدا «نۇر- سۇلتان» حالىقارالىق اۋەجايىنىڭ باسپا ءسوز حاتشىسى انۋار شالەكەنوۆ العاش رەت اشىلىپ وتىرعان باعىتتا 167 جولاۋشىنىڭ ساپار شەككەندىگىن ايتتى.

«وزدەرىڭىز بىلەتىندەي، گرۋزيا 1-اقپاننان باستاپ حالىقارالىق باعىتتاعى بارلىق رەيستى جانداندىرعان بولاتىن. مىنە، بۇگىن قازاقستاندىق لوۋكوستەر «نۇر- سۇلتان- كۋتايسي» باعىتىنداعى العاشقى رەيسىنە اتتانىپ وتىر»، - دەدى نۇرسۇلتان نازاربايەۆ حالىقارالىق اۋەجايىنىڭ باسپا ءسوز حاتشىسى انۋار شالەكەنوۆ.

سونىمەن قاتار ول قازاقستاندىق اۋە كومپانياسى كۋتايسي باعىتىنداعى تاعى ءبىر العاشقى رەيسىن 2-مامىر كۇنى اتىراۋ قالاسىنان جۇزەگە اسىرعاندىعىن ەسكە سالدى.

«ازىرشە، «نۇر- سۇلتان- كۋتايسي» باعىتى اپتاسىنا ەكى رەت، سەيسەنبى مەن بەيسەندى كۇندەرىنە جوسپارلانىپ وتىر. دەگەنمەن، الداعى ۋاقىتتا ۇشۋلار جيلىگى قالپىنا كەلىپ، رەيستەر سانىنىڭ ارتا تۇسەتىندىگىنە ءۇمىت ارتامىز. ايتا كەتەرلىگى، مامىردا اشىلاتىن رەيستەر سانى ارتادى. بۇگىن كۋتايسيگە ۇشقان جولاشىلاردى شىعارىپ سالدىق. ال ۆەدومستۆوارالىق كوميسسيا رۇقساتىن بەرەر بولسا، وندا 7 -مامىردان ۆارشاۆاعا رەيستى جانداندىرامىز. ءبىراق، بۇل ءالى ناقتى دەرەك ەمەس. ال 16-مامىرعا ءابۋ- دابيدەن نۇر- سۇلتانعا رەيستەردى اشۋ جوسپارلانىپ وتىر»، - دەدى اۋەجاي باسپا ءسوز حاتشىسى.