ەلوردادا دەزينفەكسيا ءجۇرىپ جاتىر

نۇر-سۇلتان. قازاقپارات - نۇر- سۇلتان قالاسى مەن ەلوردا ماڭىنداعى القاپقا دا دەزينفەكسيا جۇرگىزىلەدى. بۇل تۋرالى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ ماماندارى حابارلادى.

ماسا اتاۋلىنى جويۋعا 120 ادام، 4 ارنايى تەحنيكا مەن 3 تەرموگەنەراتورلىق بريگادا جۇمىلدىرىلعان. ولار بۇل جۇمىستى كەشكى 22:00-دەن تاڭعى 04:00-گە دەيىن جۇرگىزەدى. سول سەبەپتى قالا اكىمدىگى تۇرعىندارعا تۇنگى ۋاقىتتا تەرەزەلەرىن جاۋىپ، ساياباقتاردا سەرۋەندەمەۋدى ەسكەرتىپ وتىر.

جانار بەسكەمپىروۆا، قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى:

- قورشاعان ورتانى قورعاۋ باسقارماسى مەن ەلوردالىق دەزينفەكسيا شىبىن- شىركەيگە قارسى وڭدەۋ جۇمىستارىن باستاپ كەتكەن بولامىز. 26-ساۋىردەن 29-ساۋىرگە دەيىنگى قالانىڭ سىرتىنداعى سۋ قويمالارىن وڭدەپ شىقتىق. جالپى 4 مىڭنان استام شارشى جەر وڭدەلدى. قالانىڭ ىشىنەن كىرەمىز. تۇرعىن ماسسيۆتەردى، باقتاردى وڭدەۋگە كىرىسۋدەمىز.

www.24.kz