+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

مامان جۇكەمبايەۆ پەن ماتياس كەزدەسۋىنە بولجام جاسادى

4 مامىر 22:46
:ءبولىسۋ
مامان جۇكەمبايەۆ پەن ماتياس كەزدەسۋىنە بولجام جاسادى

نۇر-سۇلتان. قازاقپارات - لاتىن امەريكالىق primerahora.com پورتالىنىڭ ءتىلشىسى كارلوس گونسالەس پۋەرتوريكالىق سابريەل ماتياستىڭ (16-1، 16 ك و) قازاقستاندىق بوكسشى باتىر جۇكەمبايەۆتان (18-0، 14 ك و) قاي جەرى باسىم ەكەنىن ايتتى.

سونداي-اق ول Vesti.kz پورتالىنا بەرگەن پىكىرىندە بۇل كەزدەسۋدە قاي بوكسشىنىڭ فوۆاريت ەكەنىن اتاپ ءوتتى.

«ءبىزدى كەرەمەت كەزدەسۋ كۇتىپ تۇر. جۇكەمبايەۆ پەن ماتياستىڭ بوكس ءستيلى ءارتۇرلى. قازاقستاندىق بوكسشىنىڭ تەحنيكاسى مىقتى. ال ونىڭ قارسىلاسى قارا كۇشكە سەنگەن جىگىت. سوندىقتان دا بۇل كەزدەسۋدىڭ جەڭىمپازى كىم بولاتىنىن ءدوپ باسىپ ايتۋ قيىن. مەنىڭ ويىمشا، جۇكەمبايەۆتا ۇپايمەن جەڭەتىن مۇمكىندىك بار. ماتياس بولسا نوكاۋتقا تۇسىرۋگە تىرىسادى.

باتىر بۇعان دەيىن نوكداۋندا بولعان. سابريەل بارلىق كەزدەسۋىن نوكاۋتپەن اياقتاعان. ونىڭ ۇستىنە ماتياس جەڭىلگەن. پسيحولوگيلىق تۇرعىدا جۇكەمبايەۆقا قاراعاندا دايىن. بۇل كەزدەسۋدىڭ ماڭىزدىلىعى دا جوعارى. قاي جەڭگەنى چەمپيوندىق بەلبەۋگە ءبىر قادام جاقىندايدى. سول سەبەپتى مەن بۇل جەردە فوۆاريت جوق دەپ ەسەپتەيمىن. كىم مىقتى دايىن بولادى، سول جەڭىسكە جەتەدى»، - دەيدى گونسالەس.

ايتا كەتەيىك، بۇل كەزدەسۋ 29-مامىر كۇنى لوس-اندجەلەستە (كاليفورنيا شتاتى، ا ق ش) جوسپارلانعان بوكس كەشىندە وتەدى.

قاي جەڭگەنى IBF چەمپيوندىق بەلبەۋىنىڭ مىندەتتى قارسىلاسى بولادى. بۇل جۇكەمبايەۆ ءۇشىن ا ق ش جەرىندەگى العاشقى ايقاس بولماق.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات