شەتەلدە تۇراتىن قانداسىمىز نوكداۋنعا ءتۇسىپ تۇرىپ برازيليالىق قارسىلاسىن جەڭدى

نۇر-سۇلتان. قازاقپارات - جارتىلاي ورتا سالماقتا جۇدىرىقتاساتىن رەسەيلىك قازاق ءىلياس حامزين (7-2) ەكاتەرينبۋرگتە وتكەن RCC 9 تۋرنيرىندە جەڭىسكە جەتتى، دەپ حابارلايدى Vesti.kz.

ءىلياستىڭ قارسىلاسى برازيليالىق دجۋنيور ماركەس (10-1) بولدى. ءبىرىنشى راۋند سوڭىندا حامزين اۋىر سوققى وتكىزىپ الىپ، قۇلادى. قارسىلاسى جەكپە-جەكتى اياقتاماققا ۇمتىلدى، الايدا، وسى ساتتە گونگ سوعىلدى.

وسىدان كەيىن بۇل ايقاس تولىق ءۇش راۋند ءوتىپ، ءىلياس تورەشىلەر شەشىمىمەن باسىم ءتۇستى.

وسىلايشا، ول كارەراسىندا جەتىنشى رەت جەڭىسكە جەتتى. ال ون جەڭىسى بار برازيليالىق ەكىنشى رەت جەڭىلىپ وتىر.

حامزين م م ا- دە 2018-جىلدىڭ قىركۇيەگىندە ونەر كورسەتە باستادى. ءىلياس ەڭ جەڭىل سالماقتا UFC ۇيىمىنىڭ بۇرىنعى چەمپيونى پەتر ياننىڭ كومانداسىندا ەكەنىن ايتا كەتەيىك.