+7 (701) 759 90 19
+20 °С : نۇر-سۇلتان
+24 °С : الماتى
USD 427.22 EUR 519.71
RUB 5.78 CNY 66.52
جاڭالىقتار

الماتى دارىگەرلەرى «قىزىل» ايماقتا قالاي جۇمىس ىستەپ جاتىر؟

4 مامىر 20:30
:ءبولىسۋ
الماتى دارىگەرلەرى «قىزىل» ايماقتا قالاي جۇمىس ىستەپ جاتىر؟

الماتى. قازاقپارات - الماتىداعى 7№ قالالىق كلينيكالىق اۋرۋحاناسى كوروناۆيرۋس جۇقتىرعان ناۋقاستاردى قالاي ەمدەپ جاتىر؟

بۇل تۋرالى قازاقپارات تىلشىسىنە دارىگەر ۋلجان اپباسوۆا ايتىپ بەردى.

بىلتىر ناۋرىز ايىندا مەگاپوليستە ەپيدەميولوگيالىق جاعداي ناشارلادى. سونىمەن قاتار، كوروناۆيرۋس ينفەكتسيامەن تىركەلگەن ناۋقاستاردىڭ سانى كۇن سايىن ءوستى. قالاداعى جۇقپالى اۋرۋلار اۋرۋحانالارىنىڭ جۇكتەمەسى ارتتى.

سوندىقتان كوپسالالى كلينيكالار كوروناۆيرۋس جۇقتىرعان ناۋقاستاردى ەمدەۋگە كوشتى. ونىڭ ىشىندە 7№ قالالىق كلينيكالىق اۋرۋحانا دا بار. 2020-جىلى ناۋرىزدا 7№ اۋرۋحانادا 5 پروۆيزورلىق بولىمشە ورنالاستىرىلدى. ال جازدا كوروناۆيرۋس ينفەكتسياسىن ەمدەيتىن ارنايى جۇقپالى اۋرۋلار ءبولىمى اشىلدى.

«جۇقپالى اۋرۋلار اۋرۋحانالارىنداعى جۇكتەمەگە بايلانىستى ءبىز وتكەن جىلدىڭ ناۋرىز ايىنان باستاپ پروۆيزورلىق بولىمدەرگە كوروناۆيرۋستى ناۋقاستاردى قابىلداي باستادىق. جۇقپالى اۋرۋلار ءبولىمىن اشۋ تۋرالى بىزگە 2020-جىلدىڭ ماۋسىم ايىندا رەسمي بۇيرىق كەلدى. قازىر وندا 60 توسەك-ورىن بار. ءبىز كورونوۆيرۋس ينفەكتسياسىن جۇقتىرعان جانە سوزىلمالى اۋرۋى بار پاتسيەنتتەرگە ەرەكشە نازار اۋدارامىز. اتاپ ايتار بولسام، ديابەت، جۇرەكتىڭ جەتكىلىكسىزدىگى، ونكوگەماتولوگيا، بۇيرەك جەتكىلىكسىزدىگى، بۇيرەك گەمودياليزى تەراپياسىن الاتىندار»، - دەيدى 7№ قالالىق كلينيكالىق اۋرۋحاناسىنىڭ ءبولىم جەتەكشىسى ۇلجان اپباسوۆا.

سونىمەن قاتار، ول ءبولىم ءتۇرلى دەنە جاراقاتىن العان ناۋقاستاردى دا قابىلدايتىنىن ايتتى.

«ەگەر جاراقات العان ناۋقاستاردان كوروناۆيرۋس انىقتالسا، ولار ءبىزدىڭ جۇقپالى اۋرۋلار بولىمىندە قالادى. ءبىزدىڭ پاتسيەنتتەر ىلەسپە اۋرۋلارمەن ەرەكشەلەنەدى. كوروناۆيرۋستى ەمدەۋدەن بولەك، حاتتاماعا سايكەس ءبىز ولاردىڭ باسقا دا اۋرۋلارىن ەمدەيمىز»، - دەپ ءتۇسىندىردى دارىگەر.

بيىل ءساۋىر ايىندا اۋرۋحانادا ەكىنشى جۇقپالى اۋرۋلار ءبولىمى اشىلدى.

«باستاپقىدا ءبىزدىڭ جۇقپالى اۋرۋلار بولىمشەسىندە 30 توسەك بولدى. كەيىن ول 50 گە دەيىن ۇلعايتىلدى. جۇكتەمە اۋىر بولعاندىقتان ەكىنشى ءبولىم اشىلىپ، توسەكتەردى 30 دان بولدىك. بۇگىندە ەكى بولىمگە كۇن سايىن بەس ناۋقاسقا دەيىن قابىلدانادى»، - دەپ تولىقتىردى ۇلجان اپباسوۆا.

ينفەكتسيالىق بولىمشەلەر ناۋقاستاردى ەمدەۋ ءۇشىن بارلىق قاجەتتى تەحنولوگيالارمەن جابدىقتالعان. وندا دياليز كابينەتى، ەكى گەمودياليز اپپاراتى جانە جوعارى اعىندى وتتەگى بەرۋ اپپاراتىمەن بىرنەشە وتتەگى كونتسەنتراتور بار.

«ءبىز قالادا كوروناۆيرۋس ينفەكتسياسى بار ناۋقاستارعا ارنالعان گەمودياليز سەانسىن وتكىزەمىز. مەگاپوليستەگى بارلىق پاتسيەنتتەردى ءبىز قابىلدايمىز. كوروناۆيرۋستان تولىق ايعىپ، قالپىنا كەلۋىنە دەيىن ولار اۋرۋحاناعا جاتقىزىلىپ، گەمودياليز الادى. گەمودياليزگە مۇقتاج ناۋقاستار ءۇشىن قارقىندى تەراپيا توسەكتەرىنە قوسىلعان بىرەگەي تازارتۋ جانە سۋ تازارتۋ جۇيەسى بار»، - دەيدى دارىگەر.

بۇگىنگى كۇنى ەكى بولىمدە ءۇش كەزەكشى جانە ناۋقاستارعا كۇندىز قارايتىن ەكى دارىگەر بار. ودان بولەك التى مەيىربيكە، التى سانيتارلىق مەدبيكە جۇمىس ىستەيدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات