مەملەكەت باسشىسى ادام قۇقىقتارى جونىندەگى ۋاكىل ەلۆيرا ءازىموۆانى قابىلدادى

None
None
نۇر-سۇلتان. قازاقپارات - مەملەكەت باسشىسى ادام قۇقىقتارى جونىندەگى ۋاكىل ەلۆيرا ءازىموۆانى قابىلدادى، دەپ حابارلايدى اقوردا.

قاسىم-جومارت توقايەۆقا ومبۋدسمەن وفيسىنىڭ قۇقىق قورعاۋ قىزمەتى باعىتىندا اتقارىپ جاتقان جۇمىستارى، ونىڭ ىشىندە، مەملەكەت باسشىسىنىڭ تاپسىرماسى بويىنشا قابىلدانعان ماڭىزدى شەشىمدەر جايىندا باياندالدى.

بۇل شەشىمدەر ازاماتتاردىڭ قۇقىقتارىن قورعاۋدىڭ كونستيتۋتسيالىق كەپىلدىگىن ودان ءارى نىعايتۋعا باعىتتالعان.

ەلۆيرا ءازىموۆا پرەزيدەنتكە ايەلدەردىڭ، بالالار مەن مۇمكىندىگى شەكتەۋلى جانداردىڭ قۇقىقتارىن قورعاۋ بويىنشا زاڭنامالىق جانە اتقارۋشى دەڭگەيلەردە قابىلداناتىن شارالار تۋرالى اقپارات بەردى.

كەزدەسۋ بارىسىندا قۇقىق قورعاۋ قىزمەتىمەن اينالىساتىن ۇكىمەتتىك ەمەس ۇيىمداردى قولداۋدى كەڭەيتۋ، قىلمىستىق زاڭنامانى ىزگىلەندىرۋ ساياساتىن جالعاستىرۋ، سونداي-اق، ادام قۇقىقتارى باعىتىنداعى زاڭ شىعارۋ پروتسەسىنە ۋاكىلدى جانە ازاماتتىق قوعام وكىلدەرىن تارتۋ جونىندەگى ۇسىنىستار قارالدى.

كەزدەسۋدە «ومبۋدسمەن تۋرالى» زاڭ قابىلداۋ جونىندە ايتىلىپ، ۋاكىل ينستيتۋتىنا مەملەكەتتىك قولداۋ كورسەتۋ جانە ونىڭ الەۋەتىن وڭىرلەر دەڭگەيىندە نىعايتۋ ماسەلەسى تالقىلاندى.

پرەزيدەنت ازاماتتاردىڭ تىكەلەي قاتىسۋىمەن قوعامدىق باقىلاۋ تۇرلەرىنىڭ ءبىرى رەتىندە 2014-جىلى قۇرىلعان ازاپتاۋلار مەن قاتىگەزدىكتى بولدىرماۋ بويىنشا ۇلتتىق الدىن الۋ تەتىگىنىڭ قىزمەتىن جالعاستىرۋدىڭ ماڭىزىن اتاپ ءوتتى.

مەملەكەت باسشىسى ازاماتتاردىڭ بۇزىلعان قۇقىقتارى مەن زاڭدى مۇددەلەرىن قالپىنا كەلتىرۋگە جاردەمدەسۋ قاجەتتىگىن ايتىپ، ۇكىمەت ازىرلەگەن «قوعامدىق باقىلاۋ تۋرالى» زاڭ جوباسى اياسىندا قاجەتتى شارالار قابىلداۋدى تاپسىردى.

سوڭعى جاڭالىقتار