الماتى مەن شاردجا اراسىنداعى اۋە رەيستەرى قايتا جاندانادى

نۇر- سۇلتان. قازاقپارات - Air Arabia اۋە كومپانياسىنىڭ رەيستەرى قايتا اشىلاتىن بولدى، دەپ حابارلايدى قازاقپارات ازاماتتىق اۆياتسيا كوميتەتىنە سىلتەمە جاساپ.

قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 23-ساۋىردەگى شەشىمىنە سايكەس، 1-مامىردان باستاپ الماتى مەن شاردجا قالالارى اراسىنداعى اۋە رەيستەرى قايتا جاندانادى.

ۇشاق اپتاسىنا 3 مارتە قاتىنايدى. الماتى مەن شاردجا قالالارى اراسىنداعى تۇراقتى رەيستەردى «Air Arabia» اۋە كومپانياسى 21 - مامىردان باستاپ قايتا جالعاستىرادى.

«رەيستەر سانيتارلىق- ەپيدەميولوگيالىق تالاپتاردى قاتاڭ ساقتاي وتىرىپ جانە اۋەكومپانيا سايتىندا جاريالانعان كەستەگە سايكەس ا-320/321 ءتيپتى اۋە كەمەلەرىندە اپتاسىنا 3 رەيس جيىلىگىمەن (3, 5 جانە 7 كۇندەرى بويىنشا) ورىندالادى» دەلىنگەن كوميتەتتىڭ حابارلاماسىندا.